Champhai District Jail-a tang mek Chingsianliani, Hnahlan khua chu Nilaini khan Champhai Disrtict Court tual atangin a tlanchhuak.
Thudawn danin, Chingsianliani hi Nilaini kha court-a a inlan ni a ni a, court-a a inlan zo, jail tangte phurhna lirtheia an dah luh dawn lai velin a tlanchhuak a, a bikbo tur hi hriat nghal a ni loa, an hriat veleh zawn nghal ni mah se, he chanchin buatsaih lai thleng hi chuan man a la ni lo. Ruihhlo kaihhnawiha man niin, ND&PS Act hnuaia thubuai nei lai a ni.
2022 October 13 khan Champhai District Court tual atang hian mi pathum an lo tlanchhuak tawh a, heng tlanchhuakte hi ND&PS Act hnuaia thubuai nei vek, Myanmar lam mi vek niin tun thlengin man an la ni lo.
Hetihlai hian November 30 zinga Central Women Jail Aizawl atanga tang hmeichhe pathum pawh tun thlengin man an la ni lo nia thu dawn a ni.
Court tual atangin jail tang tlanbo
