Championship club Coventry City chuan an manager thar atan Chelsea manager hlui Frank Lampard an ruat thar a, kum hnih leh a chanve daih contract an ziahpui.
Championship-ah 17-naa awm mek Coventry hian hun rei tak; kum sarih a chanve chhung zet an rawih tawh Mark Robins chu November thla tir lam khan an ban, Robins an ban hnuin manager thar an ruai fel mai lova, an nghah hret hnuin Lampard an dawr fel thei ta a ni. Frank Lampard hi club neitu thar Doug King hnuaia manager an rawih hmasak ber a ni.
Coventry City hi championship-ah 17-naah an awm mek a, point hnihin relegation zone an chhuahsan rih. Manager thar Frark Lampard hnuaiah hmasawn tumin tan an khawh dawn a, Lampard tan fiahna hautak tak a ni ngei ang. Lampard hi England leh Chelsea player ropui a ni thin. Blues tan inelna hrang hrangah 649 zet a khel a, goal 211 zet thunin trophy 11 zet a chawi hman. Player anga football a chawlhsan hnuin coaching a luhchilh a, Derby County, Everton leh Chelsea te a lo enkawl tawh. EPL-ah tawnhriat tha tak a neih tawh vangin championship lamah pawh inrintawkna sang zawk nen a inlan theih ngei a rinawm.
Coventry manager thar Frank Lampard
