Daily Newspaper

Covid-19 do thei antibody ten thla li vel lai daih thei

15

Novel coronavirus laka antibody (taksa sipai) chu pung nasain Covid-19 kai dam leh te-ah thla li thlengin 90% ten an la nei tih zirchianna thar berah tihchhuah a ni.

Zirchianna hmasaah chuan antibody level-te chu Covid-19 kaia thatchhuah hnu thla lawkah a tlahniam zui nia sawiin hei vang hian natna laka inven theih chhung immunity rei lamah zawhna a awm nasat phah a ni.

Tuna zirchiannaa hmuhchhuah thar hian virus kai nawn leh bakah vaccine daih rei dan turah nghawng a nei dawn niin Kari Stefansson, chief executive of deCode Genetics, he zirchianna kalpuitu chuan a sawi.

He zirchianna hi Iceland-ah neih neiin Icelanders 30,000 chuang teah kalpuiin virus an kaia an that chhuah hnua an immune dinhmun an zirchiang a ni.
Iceland mipui atanga chhutin 1% velin virus kaiin heng zinga 56% te chuan PCR test hnuah an kai ngei tih finfiah a ni a, 14% te chu virus kai thei dinhmuna ding ni mahse quarantine an ni a, a dang 30% te chu antibody test atangin a hmaa lo kai tawh tih finfiah an ni.

PCR hmanga kai tih finfiah 1,215 atangin 91% te chuan antibody level diagnose an nih atanga thla hnih chhung sang tak an nei a, chu mi hnuah a tlahniam tan thung tiin researcher-te chuan an sawi.

An zirchianna hi The New England Journal of Medicine-ah tihchhuah niin he zirchianna hian ram khat mipui a thlurbing thung a, khawvel hmun dang mipuite nen inang a ni lo mai thei thung.

Tichung chuan he zirchianna hian antibody test chuan infection nasat leh nasat loh a finfiah thei ber tih a pholang tiin Stefansson chuan a sawi.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy