Daily Newspaper

Covid-19 Hong Kong ah leng nasa zual zel

14

Hong Kong leader Carrie Lam chuan khawpui hospital system chu coronavirus kai an tam belh nasat zel avangin ‘tlachhe thei’ dinhmunah a din thu a sawi.

Hong Kong khawpuiah ‘tualchhung inkaichhawn nasa tak’ a thleng reng thei tia sawiin mipuite chu inchhunga awm tam turin a ngen bawk a.

Dan thar siamah hmaikawr vuah vek tur niin dine-in restaurants te pawh khar vek a ni tawh bawk.

Hong Kong hian a hmain Covid-19 a khuahkhirh theih tawh laiin tun hnaiah a pung thut a, ni khatah 100 chuang a kaithar te hmuh a ni ta char char a. Thla khat kalta kha chuan nitina hmuhchuah 10 pawh tling lo a ni hman a ni.

Carrie Lam in eng nge a sawi?
Lam chuan Hong Kong khawpui chuan ‘tualchhung inkaichhawn nasa tak’ a tawng thei reng tia sawiin chu chuan hospital system tichhiain nunna channa nasa tak a bik takin kum upa lamah a thlen thei dawn niin a sawi a.

Mipuite chu social distancing measure tha taka zawm tura ngenin a theih chhung chu inchhunga tawm trin a ngen bawk a.

Tun hnaiah Hong Kong-ah pandemic leng mek kai an pung thur thur a, thawhlehni khan mi 106 kai thar hmuh niin thawh tan khan 145 hmuh an ni bawk a, mi 23-in nunna an chan phah tawh a ni.

Khuahkhirhna dan thar?
Nilaini atang khan restaurant-a thil ei khap bur a ni a, in hranga cheng te mi pahnih bak inhmuh phal loh a ni bawk a. Pawnah leh punkhawmna hrim hrimah hmaikawr vuah vek tur a ni bawk.

A hmain bar, gym leh beauty parlour te khar vek tura thupek chhuah a lo ni tawh bawk a. Thla tir lam khan mi 50 chin punkhawm phal niin hei hi siam danglamin mi pali chin chauh tih a nih hnuah mi pahnih bak inhmuh phal a ni ta lo bawk.

Pandemic len tirh khan China nena ramri kharphui nghal niin contact tracing chak taka kalpui niin nasa takin virus leng khuahkhirh a ni a.

Mahse, nunphung pangngaia kalpui a nih hnuah a pung ta chiam mai a, thlatira kaithar pakhat chauh hmuh atangin 100 chuang hmuh a ni chho ta reng mai a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy