Daily Newspaper

Covid-19: Hri kai hriatchhuah thar mi 20

8

Aizawl, September 12 :  Mizoramah Covid-19 natna vei hriatchhuah thar mi 20 an awm a, a zatve vel chu he hri kaite nena inhnaiha an awm avanga kai (positive contact) niin, an kaina finfiah theih rih loh an awm nual bawk.

Zirtawpni-a result hriatah kai thar mi 20 an awm a, Falkawn damdawi ina hriatchhuah mi 16, Vairengte-a Rapid Antigen Test hmanga hriatchhuah mi pathum, Lunglei TrueNAT laboratory-a hriatchhuah pakhat an awm.

ZMC-a hriatchhuahah hian mi 10 chu positive contact atanga kai an ni a, Bawngkawn, Melthum, Ramhlun North, Bungkawn Nursery, Zotlang, Chawnpui, ITI Veng, Chaltlang mi pakhat theuh leh Darlawn mi pahnih an ni.

Falkawn mi panga, mipa pali leh hmeichhia pakhat, ITI Veng mi mipa pakhat, an vaiin mi paruk, an kaina hriat theih rih loh an awm.

Falkawn damdawi ina hriatchhuahah hian Covid-19 chungchanga insawiselna emaw natna emaw nei an awm lo.

Vairengte-a Rapid Antigen Test hmanga hriatchhuah mi pathum an awm a, truck khalhtu, mipa vek, kum 22, 24 leh 43 mi niin, Uttar Pradesh mi pahnih leh Assam mi pakhat an ni.

Lunglei Civil Hospital-a hriatchhuah hi BSF a ni a, mipa, kum 38 mi, Assam atanga rawn lut a ni.

Mizoramah Covid-19 natna vei hriatchhuah zat chu 1353 a ni ta a, mipa 1122 leh hmeichhia 231 an ni. Enkawl lai 563 an awm a, dam tawh mi 790 an awm.

A zawnin Mizoramin hri kai hriatchhuah thar an tam ber ni vawi hnih a thlen hnuah vanneihthlak takin Zirtawpni-a result hriat chu a hma ni aiin a tlem a, sample 576 enfiah result-ah mi 20 an positive a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy