Daily Newspaper

Covid-19 in India ram nuai nasa zel

32

Mihring tamna India ram angah hi chuan herd immunity chu duhthlan tur chi a ni lo; a chhan chu mihring nunna kan chan hnem dawn lutuka health care system a tikhingbai vek bawk ang, tiin Union Health Ministry chuan a sawi.

“Herd immunity hi immunisation chauha thlen chi a ni a, chumi hma chuan Covid-19 laka inven chu kan kal dan tur a ni” tiin Rajesh Bhushan, Officer on Special Duty, Health Ministry chuan a sawi.

Ningani khan India ramah nunna chan 786 awm belhin, tihian India ramah nunna chan 35,800 an awm tawh a, Maharashtra-ah 266, Tamil Nadu-ah 100, Karnataka-ah 83, Andra Pradesh-ah 68 leh Uttar Pradesh-ah 57 te chu a tam zual te an ni.

India chu khawvel pumah nunna chan tam lamah pangana ni tawhin nunna chan 35,132 awmna Italy a khum tawh niin Johns Hopkins University’s Covid-19 tracker chuan a tarlang a. Nisarih chhung chu India rama nunna chan average 735 niin US (1,075) leh Brazil (1,052) te chauh a pha lo a ni.

India ramah fatality rate chu 2.18% a ni thung a, khawvel ram dang nena khaikhinin a tlem ber thung. States leh UT 24 te chuan ram pum huap aiin fatality rate an nei hniam zawk bawk niin Bhushan chuan a sawi bawk.

India chuan nitin deuhthaw virus kai tam ber ni record a siam chho ta zel bawk a. Tun dinhmunah ram pumah Covid-19 kai 16,38,951 an awm tawh a, thachhuak leh erawh 10,58,464 an awm thung a, active mek 5,44,687 an awm thugng.

Andra Pradesh leh Maharashtra-ah nikhat thil thuah 10,167 leh 11,147 hmuhchuah thar niin a san ber tum a ni ve ve a. Andra Pradesh hian nikhatah July 29 khan sample 70,069 test in an test hnem hle. Karnataka leh Uttar Pradesh-ah pawh 6,128 leh 3,705 hmuhchhuah thar niin nikhata hmuh chuah hnem ber ve ev a ni bawk a. Tamil Nadu-ah erawh nisarih hnuah 5,864 hmuh niin a tlahniam ve thung.

Vaccine chungchanga sorkar ruahmanna leh mipui nawlpui tana pek theih hun chungchang zawhna chhangin Bhushan chuan khawvelah vaccine candidate pathum phase III clinical trial nei mek a awm thu a sawi bawk a.

“Heng vaccine pathum te hi US, UK leh China te siam a ni a. India ramah chuan phase I leh II clinical trial kalpui mek pahnih kan nei a. Pakhat zawk hi 11,050 subject ah hmun riatah enchhin mek a ni a, pakhat zawk hi 1,000 subject ah hmun ngaah enchhin mek a ni thung. India chuan vaccine siamtu company te nen inremna siam a la nei lo va, mahse, vaccine sem chhuah thuah chuan inbiakna neihpui a nei,” tiin Bhushan chuan a sawi bawk.

“Vaccine awm hunah eng tianga semdarha kalpui tur nge sawihon an neih a ni tawh a. Covid vaccine chu peihfel a nih hun chuan vaccine dang zawng aia lianthama kalpui a ni lo thei dawn lo,” tiin a sawi bawk.

Bhusahan chuan Cental sorkar chuan kumin March thlaa Covid-19 healthcare worker te tana Rs 50 lakh insurance sheme a siamah diltu 131 an awm tawh thu a sawi bawk a.

“Heng zinga 20 te chu tihfel a ni tawh a, 64 te chu inpek mek niin 47 dang te chu State sorkar tena an enfiah mek a ni a. Maharashtra, Delhi leh Telangana atanga diltu an tam ber,” tiin a sawi bawk.

Health Ministry chuan Covid test 1,81,90,000 kalpui a nih tawh thu a tarlang bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy