Daily Newspaper

Covid-19 kai awm miah lohna khawvel ram 10 awm

36

Covid-19 chu khawvel ram 10 tih chauh loh chu ram tinah a taidarh tawh a. Heng ram—Palau, Micronesia, Marshall Islands, Nauru, Kiribati, Solomon Islands, Tuvalu, Samoa, Vanuatu leh Tonga ramah te hian Covid-19 kai an la awm ve lo a ni.

Kum 2019 khan Palau ah tourists 90,000 an kal a, chu chu an population let nga niin kum 2017 khan IMF chuan Palau ram GDP 40% chu tourism thawhchhuah a nih thu a sawi a. Mahse, chung te chu Covid-19 len hma a ni.

Palau ramri chu March thla tawp atang khan khar a ni tawh a, khawvel ram 10 (North Korea leh Turkmenistan) Covid-19 kai la awm lohna zingah a tel a.

Mahse, Covid-19 kai nei miah si lovin virus chuan an ram a sawp hneh hle thung. Palau Hotel te chu March thla atang khan khar tawh niin restaurant-a chawl tur an awm lo va, hotel-a thleng awm chhunte chu an ram mi haw quarantine te mai an ni.

Palau hi tuipuiin a hualvel hmun mawi leh nuam tak mai a ni a, tun ang reng chuan an awm zui rei thei tawh dawn bik lo thung a. Inhawnna an kalpui loh chuan tumah damkhawchhuak tur an awm dawn chuang lo.

Palau atanga mel 2,500 velah Marshall Islands a awm a, Covid-19 awmlohna tho niin mahse an tuar na hle tawh. An ram chuan hna 700 chuang chan turah ngaih niin kum 1997-a financial crisis hnua an tawrh nat ber tur a ni bawk.

Marshall Islands thawnchhuah tam ber chu aquarium fish a ni a, chutah pawh angel fish chu a lar ber a, mahse, 50% in thawnchhuah a tlahniam nghal a, Sashimi tuna an thawnchhuah pawh a zahvein a tlahniam bawk a, fishing industry chu 30% in a tlachhe tawh bawk.

Mipui 300,000 chenna Vanuatu erawh an ziaawm zawk hlea ngaih a ni a. Vanuatu mipui 80% te chu khawpui pawna cheng niin ‘formal economy’ nei an ni a. Loneitu ni deuh vekin local leh traditional economy-a innghat an ni thung a, Covid-19 avangin an buai lem lo thung. Mahse, ram ang chuan an GDP 10% in a tlahniam turah Asian Development Bank chuan a chhutsak a, GDP tlakhniam chhan tur hi Covid-19 bakah April thlaa Tropical Cyclone Harold in a nuai vang a ni bawk.

September 1 khan ramri khar hawn tum an ni a, mahse, Asutralia leh new Zealand ah virus kai an pun leh tak avangin an hawng leh ngam lo thung.

Heng ram te hi thuk taka Australia leh New Zealand-a innghat an ni a, heng ram pahnih an inkharphui chung chuan an tan tihngaihna tak a awm dawn chuang loa ngaih a ni bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy