Daily Newspaper

Covid-19 kai Donald Trump an a dam that thu sawi

30

US President Donald Trump chuan a dam that thu sawiin mahse ni hnih thum hnu vel chu ‘a dinhmun dik tak’ hriat theih hun a nih chauh tur thu a sawi.

President physician te pawhin Trump dinhmun a that thu sawiin Covid-19 a kai hnuah a tha zawnga hma a sawn zel thu an sawi bawk a. Trump hian damdawi In ah zan thum hun a hmang tawh a ni.

Trump hi Washington DC bul hnaia Walter Reed National Military Medical Center ah enkawl mek a ni a.

“Nuam lem lo takin helai hmun hi ka pan a, tunah chuan ka tha viau tawh e,” tiin Trump chuan a sawi a. “Ni eng emaw zah hnuah ka dinhmun dik tak a hriat theih ang,” tin a sawi.

Trump chuan campaign-a chhuah vat a duh thu a sawi bawk a, November ni 3-ah Joe Biden nen President nih an inchuh dawn a ni.

Dr Conley chuan Trump chu oxygen pek a nih tawh loh thu leh darkar 24 chhung a khawsik a awm tawh loh thu a sawi bawk a. Mahse, Walter Reed-ah ni eng emaw ti chhung chu a la awm tur thu a sawi.

Hetihlai hian White House chief of staff Mark meadows thung chuan President Trump chu an ngaihtuah thu sawiin tha chhuak a la nih loh thu a sawi thung a. Darkar 48 chhungin president taksa peng pawimawh te dinhmun a pawimawh tur thu a sawi bawk a.

President Trump hi kum 74 a ni tawh a, thau tak a nih bawk si avangin Covid-19 kai zingah pawh la na zual thei dinhmuna ding a ni a. Experimental drug cocktail injection leh antiviral damdawi remdesivir hmanga enkawl a ni.

Kar kalta Zirtawpnia White House-a awm lai chuan President Trump chu oxygen pek a ni a thung a. Remdesivir dose hnih pek a ni tawh bawk.

Preisdent Trump nupui Melania chu White House-ah awm thungin a dinhmun a thaa sawi a ni a. Anni pahnih bakah hian Trump hnaih mi paruk te chuan virus an kai bawk a. Chung zingah chuan a campaign adviser leh New Jersey Governor hlui Chris Christie pawh a tel bawk a.

Trump a hnaih tak Hope Hicks bakah campaign manager Bill Stepien leh White House councellor hlui Kellyanne Conway te pawhin virus an kai bawk.

Hetihlai hian Repulican Majority Leader Mitch McConnell chuan Senate chu 19 October thleng an chawlh tur thu sawiin mahse Judge Barrett nomination enfiahtu Judiciary Committee te erawh an kal chhunzawm tur thu a sawi bawk.

United States President Donald Trump chuan president dinhmun la chelh rengin, a damloh nasat emaw a theihloh emaw thuta thuneihna changtu tur Vice President Mike Pence erawhin virus a kai ve lo thung.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy