Daily Newspaper

Covid-19 kai nuai 20 chuang, sorkar a ngawi thung

21

India ramah Covid-19 kai nuai 20 an chuan hial tawh hnuah Congress President Rahul Gandhi chuan nimin khan Twitter kaltlangin Narendra Modi sorkarin Covid-19 chung chang an chetlak dan a sawisel.

Rahul Gandhi chuan July 17-ah a tweet a, August 10-ah meuh chuan India ramah Covid-19 kai nuai 20 an awm hman tawh ang a tih chu a tweet nawn a. “Nuai 20 chuangin an kai tawh a, Modi sorkar erawh a bo daih thung” tiin Gandhi chuan kum 2014 a BJP election campaign a ‘This time, Modi government’ tih chu kah nan a hmang bawk.

Kar tam tak chhung chu Congress leader chuan Prime Minister chu Chinese intrusion leh pandemic avangin a sawisel reng tawh a ni.

Ningani pawh khan Bihar-a Congress party te nena video conferencing an neihnaah Rahul Gandhi chuan Covid-19 avanga economic loss chu sorkar hmalakna fuh lo avangin beisei aia a let li vela a nasat tur thu a sawi bawk.

Congress chuan mirethei zual te migrant workers, construction workers leh farm labour leh sumdawng tenau te tanpui nana sum faia sema pe turin an tur reng bawk.

Rahul Gandhi an August 10 ah nuai 20 chuangin Covid-19 an kai hman ang a tih lai khan BJP te chuan Rahul chu ‘Covid-19 hriatthiamna nei tak tak lo’ tiin an lo chhang let tawh a.

Thla kalta khan Union Minister Prakash Javadekar chuan Congress chu ‘tweets party an ni vat ang’ tiin Rahul Gandhi an nitina a tweet chungchang a lo sawi tawh bawk a. Congress chuan mipuite tana hnathawk lovin an leader an hloh zel a, party mangang chuan sorkar an bei vak vak ringawt mai a ni, tiin Javadekar chuan a lo sawi tawh bawk.

India rama coronavirus kai hmasa ber chu January 30 khan Kerala-ah hmuhchhuah a ni tawh a, May 19 khan nuai khat chuangin an kai tawh a ni.

THE AIZAWL POST
~Ramchhung~

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy