Daily Newspaper

Covid-19 kai tam lamah India pali-na ni ta

39

Nimin khan India in karkhata coronavirus kai a neih hnem ber tawngin Union Health Ministry chuan kai thar 24,850 an awm thu a sawi.

Tihian India ramah virus kai 6,73,165 an awm tling tawh a. US, Brazil leh Russia tihloha Covd-19 kai tamna ber ram a ni tawh a ni.

Hei bakah hian darkar 24 chhungin nunna chan 613 a nei tawh a, tihian nunna chan 19,268 a nei tling der tawh bawk a.

Covid-19 kai damchhuak leh pawh pung zelin 4,09,083 an tling tawh bawk niin sorkar chuan a sawi a, a zawn zatin ni kaw chhung chu India rama Covid-19 kai 18,000 chuangin an pung tawh a ni.

India ram state zinga kai tamna ber Maharsahtra-ah chuan mi nuai hnih chuangin an kai tawh a, Inrinni-ah ringawt khan virus kai thar 7,074 a nei a. Tamil Nadu, Delhi leh Gujarat te chu Covid-19 kai tam ber ber state te an ni bawk.

Delhi khawpui bikah mi 97,000 chuangin virus an kai tawh a, nunna chan 3,004 an awm tling tawh bawk a. Mahse, Delhi-ah hian virus kai an tem tial tial ve thung a, damdawi In pan ngai pawh an tlem tial tial bawk.

Tamil Nadu chuan Chennai khawpui lockdown a phelh thawl hnuah Madurai leh a chhehvelah erawh July 12 thleng khauh takin kalpui tur a ti thung.

Karnataka-ah chuan nimin a\ang khan lockdown puan leh a ni a, Inrinni-a nikhata kaithar 1,839 lai hmuhchhuaha nunna chan 42 lai awm vang a ni.

Assam-ah pawh Inrinni khan 1,202 lai hmuhchhuah thar niin tihian Covid-19 kai 11,000 chuang a nei tawh a, Guwahati khawpuiah chuan ni 10 chungin virus kai thar 3,000 dawn an awm bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy