Daily Newspaper

Covid-19 laka New Zealand ram hlawhtlin dan

14

June thla tawp lam khan New Zealand-ah coronavirus kai pahnih hmuhchhuah an ni a.

Khawvel ram tam takah nitin Covid-19 kai sang tel hmuh an nih laia pahnih chauh hmuh chu hlauhthawn lutuk tur a ni lo mai thei.

Mahse, New Zealand-ah chuan ni 24 chhung virus kai thar awm miah tawh lo thung. Health Minister chuan lockdown rules bawhchhiaa a chhungte beach-a a hruai vangin a ban phah hial bawk a.

Covid-19 buaipuiin khawvel ram tin an buai laiin New Zealand chuan mak tak maiin a hneh thei tlat a ni.

Eng hunah nge New Zealand in ramri a khar?
February ni 2 khan Philippines mi chu Covid-19 vangin a thi a, China ram pawna virus avanga nunna chan hmasa ber a ni.

Hetih hunlai hian New Zealand-ah virus hmelhriat a la ni ve lo, mahse, Philippines pa thih tuk hian New Zealand chuan China atanga emaw China tlawh te an ram luh an khap nghal bur mai a ni. New Zealand mi leh sa China atanga haw te pawh ni 14 chhung khung hran tur an ti nghal bawk.

Virus a darh zel a, New Zealand rama virus kai hmasa ber kaina Iran atanga luh a khap zui nghal a, chumi hnuah South Korea, northern Italy te virus kai tamna a piang chu an khap zui nghal zel bawk.

16 March a nih meuh chuan New Zealander-te pawh an ram lutte reng reng self-isolation an tih ngei a ngai zui bawk a. Prime Minister Jacinda Ardern chuan khawvela khuahkhirhna khauh ber ti hialin a sawi bawk.

Chu mi hnu lawkah Ardern chuan New Zealand ramri tin chu a khar zui bur mai bawk. “Hma taka chetlakna avang hian community transmission thleng thei a titawp vek a ni” tiin Prof Martin Baker, Massey University a economist chuan a sawi.

Rang taka lockdown zui nghal
March thla laihawlah meuh chuan virus chu thunun harsa a nih hriat niin standard pandemic flu action plan in awmzia a nei lo tih a fiah tawh tiin fNew Zealand’s top epidemiologists, Prof Michael Baker chuan a sawi a.

WHO in Wuhan hlawhtlinna an sawi angin New Zealand chuan a tir teah engkim thununa khuahkhirh nghal a kalpui ta a ni, tiin Prof. Baker chuan a sawi a.

New Zealand chuan four-stage alert system kalpui nghalin, level-2 ah an awm nghal a, 25 March-ah meuh chuan level 4 ah an kai tawh. Hei vang tak hian ram pum lockdown bur kalpui a ni zui ta a ni.

Khatih hunlai khan New Zealand-ah virus kai 102 an awm tawh a, nunna chan an la awm lo thung. Khatihlai vek khan UK lockdown lai a ni a, virus kai 6,500 chuang leh nunna chan 330 an awm tawh thung.

UK chuan a ramri a khar ve ngai lo va, self-isolation a kalpui thung. “British chet dan ang a, rei tak nghaha inkharphui har chuan a darh vaka buaina nasa zawk a thlen mai a, chu chu economic leh hriselna lam hawi pawhin tawrh a nasa zawk” tiin prof Baker chuan a sawi.

Prof Baker official-te chuan fakawm taka hna an thawh thu sawiin virus vanglai pawhin New Zealand-ah chuan 89 bak hmuh a nih loh thu a sawi a. Mipuite kar ruk vel chenna Ina awma tawm tura ngen leh hneh kawngah an che tha takzet tiin a sawi. Lockdown laiin official-te chuan testing leh contact tracing nasa takin an kalpui bawk a. Tunah chuan New Zealand-in ni khatah test 10,000 chuang a kalpui thei tawh bawk a.

WHO chuan New Zealand hmalakna hi fakin ram dangte pawh entawn turin a tihial bawk. New Zealand ram chhungah lockdown nasat sawisel awm bawk mahse 80% te chuan sorkar an thlawp tia sawi a ni bawk.

8 June a nih meuh chuan Ardern chuan ni 17 chhung community transmission a thlen tawh loh thu sawiin New Zealand chu covid free a nih thu a puang a. Lockdown phelh a ni a, nitin nunphung pangngaiin social distancing kalpuiin chetlak zui a ni a, mahse, ramri erawh foreigner te tan khar zui tho a ni.

A hnu lawkah UK atanga New Zealand mi leh sa pahnih haw an positive tih finfiah a ni a, heng mi pahnihte hian quarantine facility hriatthiamna in an chhuahsan hma lutuk vang niin test an ni lo bawk a. A hnuah quarantine facility atangin mi thenkhat chhuah hma an ni lutuk tih finfiah a ni bawk.

Mahse, heng mi te hian kaichhawn an nei lem lo chungin mipui thnrimna a thlen thung a, 2 July khan Health minister David Clark pawh lockdown rules bawhchhiaa a chhungte beach-a a hruai avangin a bang zui bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy