Daily Newspaper

COVID-19 leh pum lama a lanchhuah dan

694

COVID-19 hripui rawn thawk nawn leh chuan lan chhuah dan pawh chi dang deuh a rawn keng tel nual tawh a, a symptom ngai bakah symptom thar te pawh hriattur a awm belh zel a, chung zingah chuan pum lam (digestive health)a a lan chhuah dan te hi hriat tel a tha ang e. Times of India chuan COVID patient zingah pum lam fel lo an tam hle niin a tarlang a, an dam leh tawh hnuah pawh pum nuam lo la nei zui hi sawi tur an awm nual niin an tarlang.

COVID-19 hi thawkna dâwt lam natna (reapiratory illness) a ni nain, kan taksa bung hrang hrang a nghawng thei a, a nghawng nasat leh kan hriat lar ber chu chuap (lung) hiania, heibakahhianpumlampawha nghawng nasa thei hle a ni. Nikum-a Lan- cet zirchiannaah chuan Wuhan, China-a COVID patient damdawi ina an enkawl zingah COVID symptom anga kawthalo (diarrhea) nei chu 2% vel chauh an ni a, symptom anga khawsik nei erawh 98% daih an ni. Hei vang hian pum lam symptom chu COVID symptom chart-ah a langpha meuh lo. Mahse, tunah chuan Centre for Disease Control and Prevention chuan kawthalo, luakchhuak leh luak te chu COVID symp- tom tlanglawn angin an tarlang tawh a ni.

SARs-COV-2 virus hi thawkna dâwt- ah rawn lutin, chu chuan khuh, thawchham leh thawk lama harsatna te a rawn thlen a, hei bakah hian ACE2 receptor-ah betin, taksa bung hrang hrang cell lining-a cellular membrane-ah a awm thei a, chung zingah chuan pum (gastrointestinal tract) pawh a tel a ni. A mihring azirin pum lama a thawh dan hi a danglam thei a, chutihrualin pum lama a thawh dan tlanglawn deuh pawh a awm tho bawk.

Mithiam ten zirchianna an neih atanga an hmuh danin COVID patient panga zela pakhat chuan pum nuam lo- kawthalo emaw pum na emaw an nei a, an zirchianna atanga an hmuh dan chuan COVID patient zingah heng symptom neite te hi hetiang symptom nei ve lo te aiin an dam har zawk niin an tarlang bawk.

COVID-19 hian kan ei leh in thlengin a nghawng thei a, chaw ei tui lo pawh symp- tom pakhat a ni. COVID-19 hian rim hriatna leh thil tui leh tui lo hriatna te a tihbo theih avangin chu chuan chaw ei tui lo hi a thlen thei. China-a zirchianna an neihah chuan COVID-19 patient 80% chuan chaw ei tui lo symptom hi an nei a ni.

COVID-19 patient pum lam fel lo symptom anga nei zingah luak chuak anga lang lang chhuak pawh a awm nual a, Wuhan-a research an neihah chuan COVID-19 patient 10% chuan khawsik an neih hma ni hnih velah luak chhuak leh kawthalo an nei niin an tarlang.

Pum lam fel lo symptom hrang hrang hi i neih a, khawsik i neih tel a, khuh leh taksa chau leh zawi riaua i inhriat bawk chuan COVID-19 vang a ni thei a, chuvangin in- test vat a tha ber. I result i hriat hma chuan midang hnaih lo tura mahnia awmhran a tha bawk ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy