Daily Newspaper

Covid-19: Mizoram MLA-te leh an chhungte enfiah

11

September ni 15 khan Mizoram MLA-te leh an chhungte chu Covid-19 natna an vei em tih enfiah a ni a, office lama an staff-te an tel bakah, secretariat staff-te pawh enfiah an ni.

Tun hnaiah Tuichawng bialtu Dr BD Chakma chu Covid-19 natna a vei tih hriatchhuah a ni a, September ni 1-3 chhungin session an lo nei bawk nen, speaker Lalrinliana Sailo hmalaknain assembly secretariat annex bulding-ah member-te leh an chhungte hi enfiah an ni.

Thawhlehni khan secretariat-ah contact tracing tih a ni a, heta langte thenkhat chu assembly secretariat-ah hian teltir nghal an ni.

Assembly secretariat atanga thu dawn danin, deputy speaker, minister leh MLA hi 20 an ni a, an chhungte, civil secretariat-a thawkte, health secretariat-a thawkte, assembly secretariat-a thawkte, an vaiin mi 364-te swab sample lak a ni.

Tun hnaiah assembly secretariat-a dak semtu pakhat chu hri a kai tih hriatchhuah a ni a, lehkha a pek MLA leh minister, mi 15-te chu an sample laa endik a lo ni tawh. Chutah chuan Dr BD Chakma a positive a, ani ruala sample endik mi 15-te chu Thawhlehni-a sample lakah hian telh an ni lo.

Assembly member 20 endik an ni a, assembly commissioner & secretary H Lalrinawma chuan mi panga an tel loh thu sawiin, “Mahni lo in-test te, Aizawla awm lo te niin kan hria a,” tiin The Aizawl Post a hrilh.

“Tun hnaiah kan thawktu pakhat a positive a, MLA zahawm tak pakhat a positive bawk a. Session te neih a ni a, house member-te leh thawktute kan inchiahpiah a, chuvangin fimkhur thu-ah sample hi test a ngai a,” H Lalrinawma chuan a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy