Daily Newspaper

Covid-19 natna vei hriatchhuah thar 21

11

Mizoramah Covid-19 natna vei hriatchhuah thar mi 21 an awm a, Mizorama he natna vei hriatchhuah tawh zat chu 1114 a ni.

Information department-in Thawh\anni-a result an puan danin, September ni 6 khan mi 21 hriatchhuah thar an ni a, ZMC-ah mi pariat, Lunglei Civil Hospital-ah mi pali, Rapid Antigen Test hmangin mi pakua hriatchhuah a ni.

ZMC-a hriatchhuahte hi mipa paruk leh hmeichhia pahnih, kum 26 leh 46 inkar an ni a, tualchhunga kai vek nia hriat an ni.

Venghnuai mi, mipa ve ve, catering service-a thawk, Dam Veng mi hmeichhia, medical frontline worker, Ramhlun Venglai mi mipa, medical frontline worker, Chaltlang mi mipa, medical frontline worker, Multi-disciplinary Training Centre CCC, ITI Venga duty medical frontline rorker mipa pahnih leh hmeichhia pakhat an ni a, Covid-19 natna lanchhuahna natna vei lo vek an ni.

Kolasib District-a Rapid Antigen Test hmanga hriatchhuah mi paruk an awm a, mipa vek, kum 22 leh 39 inkar an ni. Serchhip District-ah Rapid Antigen Test hmanga hriatchhuah pathum an awm bawk a, mipa vek, kum 32, 33 leh 45 mi, BSF vek an ni.

Lunglei Civil Hospital-ah hriatchhuah pali an awm a, mipa vek, kum 30 leh 47 unkar, BSF vek an ni. An vai hian quarantine centre-a awm vek an ni.
Mizoramah Covid-19 natna vei hriatchhuah mi 1114 an awm tawh a, mipa 931 leh hmeichhia 183 an ni.

An zingah hian mi 732 chu an dam tawh a, enkawl lai mi 382 an awm.

Covid-19 vei zat
Aizawl 251 411
Lunglei 9 114
Siaha 4 26
Champhai 1 15
Kolasib 93 99
Serchhip 7 11
Lawngtlai 3 28
Mamit 12 21
Khawzawl Nil 3
Hnahthial 2 Nil
Saitual Nil 4
Total 382 732

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy