Daily Newspaper

Covid-19 natna vei hriatchhuah thar 45


Mizoramah Covid-19 natna vei hriatchhuah thar mi 45 an awm a, he natna vei hriatchhuah tawh zat chu 860 a ni.

Information department-in Nilaini-a result an puanah positive hriatchhuah thar mi 45 an awm a ni a, Aizawl, Lawngtlai, Mamit, Kolasib leh Lunglei District-a mite an ni.

Aizawl District-ah mi 21, mipa 12 leh hmeichhia pakua hriatchhuah thar an ni a, an zinga paruk chu positive contact atanga kai niin, hmeichhia panga leh mipa pakhat an ni. Travel history nei hmeichhe pali, kum 20 leh 23 inkar an awm a, travel history nei lo pahnih, mipa (kum 54) leh hmeichhia (kum 46) an awm. Mi dang zawng chu kum 24 leh 46 inkar an ni. Indian Army pathum an awm bawk.

Lawngtlai District-ah positive hriatchhuah thar mi paruk, mipa pahnih leh hmeichhia pali an awm a, kum 19 leh 23 inkar, Delhi atanga rawn haw an ni.

Mamit District-ah positive hriatchhuah thar mipa pakhat leh hmeichhia pahnih an awm a, kum 12 leh 36 inkar, Delhi atanga rawn haw an ni.

Kolasib District-ah positive hriatchhuah thar 14 an awm a, kum 20 leh 50 inkar, hnam dang vek, lirthei khalhtu an ni. Lunglei Civil Hospital-ah hriatchhuah thar pakhat a awm.

Covid-19 natna vei hriatchhuah tawh mi 860 zingah hian enkawl lai chu mi 481 an ni a, mi 379 chu damdawi in atangin an chhuak tawh.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy