Daily Newspaper

Covid-19 vaccine semdarh hautak turu tura ngaih a ni

12

Coronavirus vaccine khawvel hmun hrang hranga phurh kuala thlen chu ‘transport lama chona turu ber’ a nih tur thu airline industry te chuan an sawi.

He mi atan hian Boeing 747 8,000 vel mamawh a nih tur thu International Air Transport Association (IATA) te chuan an sawi a.

Tun thlengin Covid-19 vaccine neih a la ni lo va, mahse, IATA chuan airlines, airports, global health body leh drug firm te nen siam a nih huna global airlift plan an ruahman der tawh a ni.

He distribution programme kalpuiah hian mipakhat tan vaccine dose khat zel tur angin an hisap bawk a.

“Khawvel air cargo industry te tan chuan Covid-19 vaccine sem kual chu ‘mnission of he century’ a ni ang. Advance planning tel lo chuan a thleng thei dawn lo, chuvangin tun hi ruahmanna neih hun a ni” tiin IATA chief executive Alexandre de Juniac chuan a sawi.

Airlines ten passenger flight nasa taka a tlakhniam laiin cargo delivery lam an thlurbing a, mahse, vaccine shipping chu hautak turu fe turah an ngai.

Thlawhna zawng zawng te chu vaccine sem kual tura laktlak vek an ni lo va, heng vaccine sem kual tur hi chuan thlawhna 2 atanga 8 vel mamawh a ni dawn a. Vaccine thenkhatte chuan frozen temperature a mamawh hial thei a, chutiang a nih phei chuan thlawhna hmantlak loh a tam zual dawn tihna a ni.

“Thil kalpui dan tur kan hrefiah hle a. Tuna kan mamawh chu mamawh a nih anga hmantlak tura chetlak a ni mai,” tiin Glyn Hughes, industry body’s head of cargo chuan a sawi a.

Khawvel hmun thenkhat a bik takin South East Asia te ang te chu vaccine-production lamah theihna an nei chau a, a khirhkhan zual mai thei, tiin a sawi bawk.

Tun dinhmunah chuan Africa khawmulpui hmun hrang hrangah phei chuan vaccine sem kual theih pawh ni se kalpui theih loh tluk a ni. A chhan chu cargo capacity, region leh lam leh border crossing buaithlak lutuk vang a nih thu IATA te chuan an sawi bawk.

Transportation kalpui tur chuan ‘sipai chetlakna ang tluka’ thil kalpui a ngai dawn a, vaccine dahthatna tur hmun vawt leh uluk leh tha neih vek a ngai dawn a ni.

Khawvel pumah vaccine 140 bawr vel siam mek a ni a, heta tanga sawmhnih dawn chu mihringah enchhinna neih ni tawhin clinical trial neih mek tawh a ni.

Chung zinga pakhat chu University of Oxford siam vaccine niin test ah pawh advance stage kal mek a ni tawh bawk.

IATA chuan sorkar tin te chu vaccine siam a nih veleha a semdarh dan tur tun atanga ruahmanna siam turin a ngen bawk a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy