Daily Newspaper

Covid-19 vaccine thlaruk hnuah beisei awm

27

Coronavirus vaccine University of Oxford leh phar giant AstraZeneca tena tangruala an siam dun chu kumin kum tawp hmain health authority tena an pawm hman beisei a nih thu UK media te chuan an tarlang.

He vaccine hi vaccine siam meka kal thui ber ni mekin ‘Thlaruk chhungin, chu aia hma mah chuan kan chhawpchhuak thei ang’ tiin British sorkar thuneitu sangin a sawi chu The Times chanchinbuin a tarlang a ni.

UK Joint Committee on Vaccination and Immunisation in protocol a siam dan chuan pawm a nih veleh vaccine chu kum 65 chin chuanglamah pek hmasak phawt tur a ni a, chumi hnuah putling upa lamah pek leh tur a ni. Kum 65 chin chunglam te pek hnuah kum 50 bawr vel te hnenah pek leh tur a ni.

UK sorkar chuan he vaccine siam mek hi peihfel a nih veleha a lak nghal theih nan dose 100 million a order sa tawh a, thuneitu ten phalna an la pe lo chungin damdawi hi siam mup mup reng a ni.

Vaccine siam pawh ni se harsatna la awm leh tur chu tam tham tak siam leh thawn chhuahah a la ni tho.

Vaccine hmuhchuah pawh ni se thlaruk chhungin mitin pek theih a ni dawn lo hrim hrim a, thlaruk atanga thla kua inkar chu pek vek turin hun mamawh ni dawna ngaih a ni bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy