Covid-19 hrilen laia Mizoram Health department thawktu he hri kaihhnawiha nunna chan mi pahnih chu cheng nuai 50-a ral an ni.
Health minister Dr R Lalthangliana chuan Covid-19 do kawnga a hmatawnga awm nunna chan chhungte hnenah chhawmdawlna pek chhuah a ni tih a sawi a. Health worker-te tana sawrkar laipui insurance scheme – Pradhan Mantri Garib Kalyan package kaltlangin Mizorama health worker nunna chan pahnih – Lalpianvula leh Rohmingliana te chhungte hnenah cheng nuai 50 pek a ni tih a sawi.
Mizoram Ex-Gratia Lumpsum Compensation Scheme kaltlangin task force member nunna chan mi 9 chhungte hnenah cheng nuai 20 theuh pek niin, pakhat dang la pek tur a ni tih a sawi bawk.
Health minister hian ZMC-ah naupiang inzawm, an thin inzawm hlawhtling taka zai a nih thu te, nausen pakhat February 24-a a boral chu pawi a tih thu te, pakhat chu dam chhuak hram se an duh thu te sawiin, NHM hlawh leh SEDP health worker hlawh pawh account-ah thunfel vek a ni tawh tih a sawi a ni.
Covid donaa thawktu thi pahnih hnenah nuai 50 pe
