Daily Newspaper

Covid enkawlna hmuna bawlhhlawh senghawi dan sawi

17

Covid-19 kai enkawl mek, Covid Care Centre leh sawrkar phalsak anga mahni ina enkawlte bawlhhlawh paih senghawi dan tur chu Thawhtanni khan Health & Family Welfare minister Dr R Lalthangliana hoin sawi a ni.

Thutkhawmah hian Aizawl Municipal Corporation hotute chuan tun dinhmunah quarantine centre hrang hranga an hnawmhnawkte an senghawi mek tih an sawi a. CCC leh home isolation-a awm mekte hnawmhnawk senghawi chungchangah thawktu indaihlohna awm tho mah se, heng hnawmhnawkte a him tawk leh tawk loh thu ah fimkhur thiam a har a, sawrkar thuneitu lamin a senghawi dan tur an ruahman theih chuan a phum bo kawngah ruahmanna an siam theih thu leh buaipui vek an inhuam thu an sawi.

Rawtna leh ngaihdan hrang hrang sawi ho niin, medical waste hi mithiamte chuan sodium hypochlorite hmanga uluk taka chiah a niha funthat a nih chuan bawlhhlawh paihtute tan a him tawk tih an sawi.
Health minister chuan uluk deuha ngaihtuahna sen ngai a nih avangin a rang lama hma lak chhunzawm a nih tur thu a sawi a. Covid-19 dona kawnga AMC hmalakna fakawm a tih thu sawiin, “Theihtawp an chhuah a, mipui him nan kawng hrang hrangah AMC sum an hmang a, chhuanchham an awm lohna’n leh kan himna turin AMC councillor-te kaltlangin cheng nuai 95 an hmang tawh a ni,” a ti.

He thutkhawmah hian state pawn atanga Mizoram lo lut, mPASS kaltlanga home quarantine phalsakte zawm tur leh an sample test dan tur bakah home quarantine chhunga an inenkawl dan tur ruahmanna duanlawk chu an thlir ho bawk a. Lengpui Airport leh screening point hrang hrang atanga lo lut, home quarantine phalsakte leh quarantine centre-a awm turte zawm tur ruahmanna hi, rawtna awm belh leh siamrem ngaite sawi ho a nih hnu ah siamthata zawm nghal theih tura peihfel tum a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy