Tun hnaiah Mizoramah tourist an pung a, foreign tourist leh domestic tourist an pung ve ve. An punna pawh a sang a, covid hrilen hnuah an pung hle.
Mizoram Economic Survey, Budget Session neih meka pharhah tun hnai kum li chhunga tourist zat tarlan a ni a, a kum lina 2023-24-ah a hma kum aiin an tlem na a, kum hmasa lam ngaihtuah chuan tourist hi thahnem tak an la ni.
2020-21 khan domestic tourist hi mi 20,564 an awm a, khawvel inkharkhip lai a ni bawk a, foreign tourist pawh pathum chauh an awm. 2023-24-ah chuan foreign tourist hi mi 2,15,230 an awm a, foreign tourist mi 3,884 an awm.
Economic Survey bua a lan danin, 2020-21 khan tourist Mizorama zin zawng zawng chu mi 20567 an ni a, 2021-22-ah mi 1,32,616-ah a pung dawrh. 2022-23-ah mi 2,22,008 an ni a, 2023-24-ah mi 2,19,117 an ni.
Mizorama tourist lodge hrang hrangah 2023-24 khan domestic tourist mi 35,905 leh foreign tourist mi 503, an vaiin mi 36,408 an thleng a, 2024-25-ah domestic tourist mi 51,525 leh foreign tourist mi 17, an vaiin mi 51,991 an thleng. 2024-25 chhunga tourist lodge hrang hrang atanga sum hmuh hi cheng nuai 374.37 a ni.
Mizorama tourist zin zat
Kum Domestic Foreign
2020-21 20564 3
2021-22 132522 94
2022-23 218457 3551
2023-24 215230 3884
Covid hrilen hnuah tourist pung
