Daily Newspaper

Covid kai 32 zingah tualchhunga kai 25

8

December 8 zinga sawrkarin Covid-19 sample a lakte a endikna result a tihchhuahah kai hmuhchhuah 32 an awm a, heng zinga 25 hi tualchhunga inkaidarhna atanga kaichhawng nia hriat an ni.

December 7-a ZMC RT-PCR laboratory-a sample 565 endik zingah hri kai hmuh thar 11 an awm a, an zinga 7 hi hri kai hmuh tawhte chenpui, an hnen atanga kaichhawng nia ngaih an ni. Pakhat dang hi a kaina awm hriat ala ni mai loa, a bak pathum hi state pawn atanga rawn lut, hri rawn kai sa nia ngaih an ni.

District hrang hrang TrueNAT laboratory-a sample 224 endik atangin hri kai 7 hmuh thar an ni a. An zinga 5 hi Bihar inthlanpuia duty-a kal Mizoram Police, Rapid Antigen Test leh TrueNat PCR hmanga tum li endik a nih hnu ah pawh hri a kai tih hmuhchhuah loh, kar kaltaa RAgT hmanga endik lehnaa hri a kai tih hmuhchhuah takte chenpui an ni a, an zingah hian nausen thla 5 bakah naupang dang 3 an tel a ni. A dang pakhat hi IR mi, Bihar inthlana duty lo haw, a lo haw hlima RAgT hmanga hri a kai tih hmuh, December 2-a RAgT bawka endiknaa hri a kai tawh loh avanga CCC atanga chhuah tir niin, mahni duhthua TrueNAT hmanga inendik nawn lehnaah hri hi a lo la kai tih hmuhchhuah a ni. TrueNat hmanga hmuhchhuah dang pakhat hi state pawn atanga rawn lut a ni.

Rapid Antigen Test hmanga mi 763 endik zingah hri kai hmuh thar 14 an awm a, pakhat hi state pawna zinchhuah a ngaih vangin private hospital pakhatah a inendik a, hri a kai tih hmuhchhuah niin hri a kaina hriat nghal a ni lo. Lunglei lam mi pathum leh Lawngtlai mi district mi 8-te hi tualchhunga inkaidarhna atanga kai vek an ni a. RAgT hmanga hmuhchhuah dang pahnih hi thlawhnaa rawn lut Lengpui Airport-a an lo endikna atanga hmuhchhuah an ni.

December 8 tlai thlenga Health department chhinchhiah danin Mizoramah sample 158844 endik tawh niin, heta tanga Covid-19 kai hmuhchhuah chu 3968 a ni. An zinga 3772 chu enkawl dam ni tawha ngaih an ni a, enkawl mek 190 an awm. Nimin hian enkawl dam mi 15 chu enkawlna atanga chhuahtir an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy