Daily Newspaper

Covid kai 3869, kai thar 22

14

Mizoramah Covid-19 kai 3,869 an awm tawh a, December 2 zinga result chhuakah hri kai hmuh thar 22 an awm.

December 1-a sample endik, December 2-a result tihchhuahah ZMC RT-PCR laboratory-a sample 362 endik atangin Covid19 kai 12 hmuhchhuah an ni a. An zinga 5 hi in khata cheng ho inkaidarh nia ngaih an ni a. A dang pahnih pawh tualchhunga inkaidarhna atanga kai nia ngaih an ni. Midang 5 hi state pawn atanga rawn lut, hri rawn kai sa nia ngaih an ni. Mi 12 zingah hian an taksaa natna langchhuak mi pahnih an awm a ni. District hrang hrang TrueNAT laboratory-a sample 165 endik atangin hri kai hmuhchhuah 5 an awm a. An vai hian state pawn atanga rawn lut, hri kai sa nia ngaih an ni. Symptom nei an awm lo.

Rapid Antigen Test hmanga 554 endikah hri kai 5 hmuh an ni a, an zinga pathum hi Lawngtlai leh Lawngtlai bul Thingkaha hmuhchhuah niin, Mamit CMO office-a thawk pakhat chu hri a kai tih hmuhchhuah a ni a, symptom nei niin a kaina chhui mek a ni. A dang pakhat hi Manipur atanga rawn haw, hri kai saa rawn lut nia ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy