Daily Newspaper

Covid kai 7,000 vel awm mek

18

Mizoramah Covid-19 kai mi 7,000 vel an awm mek a, tunkar chhungin hri kai hmuhchhuah zat hi nitin 600 a la tling vek.

July 21-a sample 4,378 endikah Covid kai hmuhchhuah 625 an awm a. Heng zinga 474 hi Rapid Antigen Test atanga hmuhchhuah niin, RT-PCR ah 90, TrueNAT ah 61 a ni. Hri kai hmuhchhuah thar zingah an taksaa natna langchhuak tawh 279 awmin, langchhuak lo 275 an awm a, an dinhmun hriatchian theih loh, biakpawh theih loh 71 an awm a ni.

July 22 tlai dar 5.00 thlenga Health department chhinchhiah danin, Mizoramah sample 5,73,582 endik tawhah Covid-19 kai hmuhchhuah 29,645 an awm a, an zinga 22,476 (75.82%) chu enkawl dam tawh niin, enkawl mek 7,039 an awm a; he hri kaihhnawiha nunna chan 130 an awm tawh a ni.

Heng record zingah hian sawrkarin Aizawl leh a chhehvela sample endik runpui a tih mek atanga hmuhchhuah chu la duh luh kim a ni lo tih thu dawn a ni a. Enkawlna hmun atanga dama chhuak zat pawh hi July 22 tlai dar 5.00 thleng chuan 154 an ni a, hei hi zan dar 9.00 a update siamah danglam leh thei a ni bawk.

Covid kai enkawl mek zingah Aizawl district chu a sang filawr zawm zel a. Report-in a huam chin thlengah mi 4,712 enkawl mek an ni. District dangah chuan Lunglei chu hri kai enkawl mek tamna ber niin 807 an awm a, Kolasib-in dawtin 622 an ni a, Lawngtlai-ah 401 enkawl mek an ni. Hemi hun chhung thlenga enkawl mek tlemna ber pathum chu – Khawzawl (2), Hnahthial (4), Saitual (5) an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy