Daily Newspaper

Covid kai lai 9,000 chuang awm mek

18

Mizoramah Covid-19 kai enkawl mek mi 9,000 chuang an awm mek a, he hri kaihhnawiha nunna chan chu 140 an tling hnai viau tawh bawk.

July 26 tlai dar 5:00 thlenga chhinchhiah danin, Covid kai leh kai loh sample 5,91,684 endik awm tawhin, heng zinga 33,452 chuan hri an kai tih hmuhchhuah a ni. Enkawl dam tawh 23,784 awmin, he hri kaihhnawiha nunna chan 137 an awm a, hri kai enkawl mek 9,531 an awm a ni.

July 25-a sample 1,810 endikah hri kai hmuhchhuah 547 an awm a; Pathianni hian ZMC-a RT-PCR laboratory chu an chawlh thin avangin, tun tum ami pawh hi TrueNAT leh Rapid Antigen Test atanga hmuhchhuah an ni. TrueNAT hmanga sample 110 endik atangin hri kai 14 hmuhchhuah a ni a; Rapid Antigen Test-a sample 1,700 endikah hri kai 533 hmuhchhuah a ni. Sample endik zat atanga chhutin hri kai hmuhchhuah hi za zelah 30.22 a ni.

Mizorama Covid kai enkawl mek 9,531 atangin 7,020 chu Aizawl district ami an ni a, a dawttu Lunglei district-ah enkawl mek 873 an awm. Kolasib district-ah enkawl mek 622 awmin, Lawngtlai district-ah 424, Mamit-ah 300, Siaha 120, Champhai 100, Serchhip 39, Saitual 28, Hnahthialah 4 leh Khawzawlah 1 enkawl mek an awm a ni.

Hemi rual hian July 21-24 inkar chhunga khua/veng 17 a sample endik runpui neih chu a tul angte tihfel a nih hnu ah July 26 zinga result tihchhuah rual hian tihchhuah ve a ni a, a vaiin 822 hmuhchhuah niin, July 20-a endik runpuia result erawh July 21 a result chhuakah a tel deuh vek hman a. Tuiriala endik runpui neih chu a buaipuitu Medical Operational Team lam an la inpeih fel loh avangin tun tuma result chhuakah hian ala rel hman lo thung a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy