Daily Newspaper

Covid kai naupangte tan thilpek hlan

7

Covid-19 kai naupangte a hrana enkawlna hmun – Covid Affected Children Care Centre (CACCC) ah mi inphalten thilpek an hlan.

CACCC tan hian Laldinpuii, Electric Veng Aizawl (ART Industry) leh Rosy Lalrampuii te chuan naupang infiamna hmanrua thahnem tak an pe a. Archer Agencies Vaivakawn-in bawnghnute engemawzat, CL Thianga & Sons-ten work book leh coloring book, ICDS Project Tlangnuam leh Urban PHC-ten naupangte mamawh tur damdawi chi hrang hrang an pe bawk. Thanglura, Ramthar North Aizawl chuan naupangte mutbu leh puan sin tur thahnem tak an lo pe tawh bawk a ni.

CACCC hi Bal Bavan ITI Vengah awmin 2020 November 4 khan hman tan a ni a, Covid-19 kai lo naupang, an chhungte hri kai vek si, in lama enkawltu nei lo te leh Child Care Institutions/ Children’s Home lut turte khunghranna atana ruahman a ni. Naupang, a bika enkawl leh venhim ngai an nih vangin Juvenile Justice (Care and Protection of Children) Act 2015 leh The Mizoram Juvenile Justice (Care and Protection of Children) Rules 2019 hnuaia naupang enkawl dan anga enkawl an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy