Daily Newspaper

Covid kai thar 35, kai enkawl mek 489

10

August 24 zana laboratory-a sample endik atangin Covid-19 kai thar 35 an awm. August 25 tlai thlengin Mizoramah Covid kai hmuhchhuah tawh hi 953 niin, hri kai enkawk mek 489 an ni.

Thawhlehni zinga result tihchhuahah ZMC laboratory-a RT-PCR khawla swab sample test 503 zingah Covid-19 kai 30 hmuhthar a ni a. Rapid Antigen Test 1043 tih niin hri kai 5 hmuhchhuah a ni. Lunglei Civil Hospital TrueNAT laboratory-a sample test 20 test niin hri kai an awm lo thung.

ZMC laboratory-a hri kai hmuhchhuah tharte hi Aizawl district-a sample lak vek niin mipa 22 leh hmeichhia 8 an ni a, travel history nei 6 awmin a dang zawng hi tualchhung ami contact tracing tih atanga hmuhchhuah an ni.

Melriat positive contact tracing atanga kai mi 14 an awm a, Melriata cheng vek an ni. A naupang ber kum 7 niin a upa ber kum 78 a ni. Contact tracing tih vanga quarantine lai vek an ni.

Zangena Petrol Pump-a thawk, positive ta contact tracing atanga kai 9 an awm a, Ramhlun South-a cheng 8 leh Falkawn ami 1 a ni a. Symptoms nei lo, home quarantine lai vek an ni.
Ramhlun South-a cheng positive contact atang kai hmuhchhuah a ni bawk a. Contact tracing tih a nih vanga quarantine lai a ni.

Travel history nei Covid-19 kai hmuhthar 6 te hi Assam leh Meghalaya atanga lokirte niin an zingah hian BSF sipai 1 a tel. Mizoram pawn atanga lo haw hri kai hmuh tharte hi quarantine facility-a awm lai vek an ni.

Rapid Antigen Test hmanga hri kai hmuhthar zingah Kolasib district-a sample test truck driver pahnih, Assam atanga lolut an tel a. Mamit district-a sample test Assam atanga haw mi pahnih te chu hri an kai tih hmuh a ni bawk. Aizawl district-a sample test pakhat, West Bengal atanga lokir chu hmuh a ni a, a ni hi symptoms nei a ni.

Sawrkar chhinchhiah danin, August 25 tlai thleng khan Mizoramah Covid hri kai hmuhchhuah tawh mi 953 awmin, heng zinga 464 hi enkawl dam tawh enkawlna hmun chhuahsan ta te an ni a, enkawl lai 489 an awm.

Nimin chawhnu khan SIRD&PR CCC Pukpui Lunglei atangin Covid kai enkawl dam mi pathum – BSF 2 leh civilian pakhat chhuahtir an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy