Daily Newspaper

Covid kaihhnawiha nunna chan 133

13

Mizoramah Covid-19 kaihhnawiha nunna chan mi 133 an awm tawh a, hri kai hmuhchhuah atanga chhutin za zelah 0.43 a ni.

July 23 zan dar 6.50 khan SK Das (74), Tuirial chu Zoram Medical College-ah Covid-19 kaihhnawihin a thi a; a ni hi July 13 khan hri a kai tih hriatchhuah niin, July 16 khan ZMC-a dahluh a ni.

July 23 tlai 5.45 khan Ebenezer (37), Vaitin khua chu ZMC-ah Covid-19 kaihhnawihin a thi a; a ni hi July 13 khan hri a kai tih hriatchhuah niin, July 16 khan ZMC-a dahluh a ni. A ruang hi an khua thlenpui a nih hnu ah darkar khat vel chawlhpui a ni anga, vui nghal tura ruahman niin thu dawn a ni.

July 22 zan dar 11:15 khan Saizinga (75), Armed Veng South chu Covid kaihhnawihin ZMC-ah a thi. A ni hi July 5 khan hri a kai tih hriatchhuah niin, July 6-ah ZMC-a dahluh a ni a, matna benvawn nei sa a ni. Armed Veng South-ah hian a fanute bula a awm laiin hri hi a kai a, anmahni hi Falkawn mi niin, hetah hian vui a ni dawn nia thu dawn a ni.

July 23 tlai dar 6.00 thleng khan Mizoramah Covid-19 kai 30,492 hmuhchhuah tawh niin, he hri kaihhnawiha nunna chan 133 an awm tawh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy