Daily Newspaper

Covid vaccine nuihsawhtu Covid vangin thi

49

California-a cheng social media a Covid-19 nuih sawhtu chu Covid nena thlakhat chhung an inbeih hnuah ngam lovin a thi.

Hillsong megachurch member Stephen Harmon chu vaccine nasa taka sawiseltu zinga tel niin vaccine fiamthu thawh nana hmang fotu a ni a.

“Harsatna 99 ka neia chung zingah chuan vaccine a tel ve lo” tiin June thla khan kum 34-a upa chuan a follower 7,000 chuangte hmuh turin a tweet a.

A hnu lawkah pneumonia a nei tih hriat niin Covid-19 vangin Los Angeles pawna damdawi Inah dah niin kar kalta khan a thi zui ta a ni.

A thih dawn thlengin Harmon chuan a hun hman dan chu felfai taka hriattirna siamin damdawi In khum atangin dam tura a beih fat fat dan te a pholang thin a ni.

“Min tawngtaipui rawh u, ventilator hman tir min tum tawh e” ti te in a tweet a.

A post hnuhnung berah oxygen mamawh ang a thawk luh theih tawh loh avangin ventilator hman a ngaih tawh thu sawiin “Ka harh chhuak leh ang em ka hre lo, min tawngtaipui ru” tiin a tweet a ni.

Virus vanga harsatna a tawk chungin Harmon chuan vaccine a lak dawn chuan loh thu sawiin a sakhaw rinna chuan a humhim dawn tiin a sawi a ni.

A thih dawn ruaiah pawh pandemic leh vaccine chungchangah fiamthu la thawh hramin US disease expert Dr Anthony Fauci ai chuan Bible a rin zawk thu a la sawi bawk.

Hillsong founder Brian Houston chuan a thih thu puang zuiin, “Covid vangin kan ngainat Stephen Harmon chuan min kalsan ta” tiin a sawi a ni.

California-ah tun hnaiah hripui kai an pung nasa zual a, hripui kai damdawi In panpui ngai tam ber chu vaccine la lote an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy