Daily Newspaper

Covid vanga nunna chan 136

22

Covid-19 kaihhnawihin Mizoramah nunna chan mi 136 an awm tawh a, hri kai hmuhchhuah tawh atanga chhutin za zelah 0.42 a ni.

July 25 tlai dar 5.00 thlenga Health department chhinchhiah danin, Pathianni chawhma dar 11.00 khan Parneihkhara (85), Bawngkawn Aizawl chu ZMC-ah Covid-19 kaihhnawihin a thi a; a ni hi July 22 khan hri a kai tih hriatchhuah niin, a tuk July 23-ah ZMC-a dahluh a ni a, natna benvawn nei nia thu dawn a ni.

July 23 zan dar 11.00 vel khan Abdul Mateen (61), Venglai Kolasib-a awm chu a chauh thut avangin Kolasib District Hospital ah hruai a ni a, hetah hian Covid a kai leh kai loh endik niin, hri a kai tih hriat a nih hnu ah Sethawn CCC lama enkawl tura lak a ni a, July 24 zing 7.00 khan a thi a ni. Thudawn danin a ni hi, a taksa chauh thut avanga Kolasib District Hospital-a hruai a ni a, Hospital hian emergency case ah pawh Covid kai leh kai loh hriat hmasak phawt an duh avangin an endik a, hri a kai tih finfiah a nih takah hian a taksa chauh chhan pawh hi endik mumal awm loin Sethawn CCC lamah hian kaltir nghal nia sawi a ni.

July 23 zan dar 9.40 khan Lalruatfeli (14), Bungkawn Vengthar chu Covid kaihhnawihin a thi. A ni hi July 21 khan hri a kai tih hriatchhuah niin, mahni in lamah enkawl a ni. Thudawn danin, Lalruatfeli hi a down syndrome nei, tunhnaiah Covid kaihhnawih a taksaa natna langchhuak ve niin, private damdawi inah an endik a, hri a kai tih hriatchhuah a nih hnu ni rei lo teah a thi ta mai nia sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy