Daily Newspaper

Covid vanga thi awm lo state awmchhun

11

Mizoram chu September 27 tlai thleng khan India ram state 29 zingah Covid vanga thi awm lohna state awmchhun ala nih chhunzawm zel a. State 29 bakah Union territory 7 telin he hri vanga thi awm lohna awmchhun pahnih zinga pakhat a ni.

Sawrkar laipuia Ministry of Health & Family Welfare-in a chhinchhiah danin, September 27 zing dar 8 thleng khan India rama state 29 zingah Mizoram tih loh zawng, state dangah chuan Covid vanga thi hi 10 aiin an tam vek tawh a. Thihpui tam na ber state chu Maharshtra niin 35191 an thi tawh. Thihpui awm tawh si, thi la tlem na ber chu Arunachal Pradesh niin 14 an thi tawh.

India Union hnuaia state leh UT zingah thliarkar 36 inzawmkhawmna Lakshadweep chu tun thlengin Covid-19 thihpui chu sawi loh, he hei kai la awm lohna awmchhun a ni a; UT 7 zingah Lakshadweep tih lohah chuan Dadra Nagar Haveli, Daman & Diu chu hri luh tawhna ni si, thi tlemna ber niin pahnihin an thihpui tawh.

A bak state leh UT, a state/UT len zawng leh mihring cheng zatah pawh Mizoram tiatpui zual deuhah chuan Covid kai hi Mizoram aia tam vek niin a tam zawk chu Mizorama kai chhinchhiah mek (1865) let aia tam an ni hlawm.

India ram hnuaia awm zinga Covid kai la hmuhchhuah lohna awmchhun Lakshadweep hi Kerala atanga kalpawh ber niin, lawng hmanga kalpawhna ber – Kochi atangin a thliarkar hi km. 220 – 440 inkara an ni hlawm a. India rama Covid len tantirh atang khan he thliarkar atanga lut tur hi Kochi-ah hian khunghran phawt niin Lakshadweep an luhah test an ni a, khunghran leh phawt an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy