Daily Newspaper

CS chetdanah PC lawm

12

Ramri buaina kaihhnawiha Mizoram leh Assam chief secretary te inbiaknaah sawrkar laipui leh Assam lam duhdan dodal a, Mizoram sawrkar leh mipui duhdan a din tlangpui ngam avangin chief secretary Lalnunmawia Chuaungo chungah an lawm hle tih People’s Conference party chuan an sawi.

PC Gen. Hqrs. thuchhuak chuan, July 28-a Union Home secretary Ajay Kumar Bhallai kaihhruaia ramri chungchanga Mizoram leh Assam chief secretary te inbiaknaah Mizoram CS Pu Lalnunmawia Chuaungo in ram leh mipuite hmakhua ngaia fing tak leh remhre taka hma a la chu lawmawm a tih thu sawiin, ‘He inbiaknaah hian tuna Mizoram Police awm meknaa central armed police force-te awmtir tura nasa taka nawrna Mizoram CS-in remti loa huaisen taka a dodal tlat avanga CAPF-te duty chhunzawmna tur atana National Highway 306 lam zawka ruahman a ni ta hi, kan ram tan hlawhtlinna pawimawh takah kan ngai,’ a ti.

Ministry of Home Affairs leh Assam chief secretary-ten Vairengte auto rickshaw stand atanga Mizoram Police-te inthiarfihlim tura nasa taka an nawr na pawh Mizoram CS-in Mizoram sawrkar leh mipui duhdan zawk huaisen taka a din tlangpui avanga Assam sawrkar duhdan leh ruahmanna a pamtul ta chu Mizo mipuite hlawhtlinna ropui takah PC party chuan a ngai tih a sawi bawk.

‘Kan nitin mamawh chakkhai chawkluhna kawngpui danchah a nih pawha kawng danga chet kan lak theih nana Brig.T.Sailo in Manipur, Tripura lam hawia inkalpawhna kawngpui a lo sial tawh kha, chhawrnaawm taka buatsaih thar leh turin PC party chuan Mizoram sawrkar kan ngen a ni,’ thuchhuah chuan a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy