CSS hnuaia thawkten phut
neiin casual leave an la tan
All Mizoram CSS Employee Coordination Committee (AMCECC) ruahman ruahman lawk angin September 9 atang khan sawrkar laka lungawilohna lantirin mass casual leave an la tan.
AMCECC hruaitute sawi danin, Mizorama sawrkar damdawi in hrang hranga CSS hnuaia thawkte an chawlh avangin damlo enkawl kawngah harsatna a thleng a. PHC/ UPHC leh Sub Centre engemawzat khar a ni. Hei bakah hian zirna lama thawktu tam zawk an chawlh avangin school 500 chuangah zirna kalpui theih a ni lo. DEO leh DPC office tam zawk pawhin hna an thawk mumal thei lo bawk.
Development works khawihtu department hrang hrang – RD& AD, UD& PA, Agriculture, Horticulture adt. hnuaia CSS thawktute an nawrh tel avangin ni 100 inhlawhna, self help group kaihhnawih, digital crop survey, in sak tanpuina adt. kalpui theih a ni lo a. Social Welfare hnuaiah Women & Child Development-a hna kal mek a chawl bawk.
AMCECC hruaitute atanga thudawn danin “Regularisation of CSS Employees Scheme 2024” chu a taka an hman thuai leh siamrem ngai siamrem sak turin an phut. He scheme hi AMCECC affiliated association leh member ni loten hman ve an remti lo a. AMCECC hmalakna zawmlo ten he scheme hi hman tum lo turin an hriattir a. Hman luih tum an lo awm a nih pawhin a tawp thlengin AMCECC-in a dodal dawn tih a sawi lawk a ni.
CSS hnuaia thawkten phut neiin casual leave an la tan
