Lallunghnema
Charity Lodge
Cont: 9862288182
Tun lai hian Food, Civil Supplies & Consumer Affairs Deptt. zârah Consumer Awareness Campaign hmun hrang hrangah kan nei thin a, kan bei ngawrh hle a ni. Veng hrang hrangah YMA leh College -ah thawhpui thiante nen hun kan hmang a. Hmun thenkhata mimala min sawmna pawh ka chhâng thei zel bawk a. Chûngahte chuan hun ka la hmang thei zel a. Ka lâwm hle a ni.
High School-ah pawh sikul naupangte nen Consumer Awareness Programme kan hmangho theiin ka tawnhriat thenkhat te sawi chhuahna hun tha tak ka nei thei bawk a.
Tun hnaia hetiang Consumer awareness kan kalpui atanga ka thil hmuh chhuah dan chuan kan thalaite pawh hi he lam, consumerism-ah hian an mit a lo keu ve deuh tâ a nih hi â, tih hi a ni. Kohhran thenkhat thalai hote nen pawh hun hlimawm tak kan hmang thei bawk a. Anni pawh Consumer Right hriatna kawngah hian an zia chho mekin ka hria a ni. Beiseina sang tak ka neih phah a. |halaite hi kawng engkimah kan nghah fák an ni a. Consumer Right an hriat chian hian kawng a êng nge nge ang tih ka ring a ni.
Ni tina kan nun kawng khalhtute chu Consumer Right leh Issue-te hi a ni a. Kan sawi tawh angin chhungkaw tin hi Consumer kawng zawhtu an ni a. An kal kawng an hriat loh chuan hruai bovin an awm ang a, sumdawng leh dawrkai tha loten an rawk ni tin mai dawn a. Thil hriat loh vânga pawisa chawi teuh teuh chu an hmachhawn tur a ni mai a! Chuvangin Consumer Right hriatnaah hian hmâ kan sâwn a tul tak zet tawh a ni.
Hmanni lawk khan, nu pakhatin Govt Hospital a khin thua State Consumer Commission-in ‘free treatment’ dawngtute hi Consumer-a a puan thu kan tar lang a. Chu bakah chuan Ukil lar tak pakhatin thlawhtheihna Company pakhat a khin thu leh thiam a chan tâk thu pawh ka sawi a nih kha. Khâng article atangte khan hengte hi kan zir thei a ni.
Govt Hospital-a damlote hi a thlâwna enkawlna (free treatment/service) dawng an nih avanga ‘Consumer’ an nih leh nih loh thua inhnialnaah Gujarat State Consumer Commission chuan thutlûkna siamin heng Sawrkar Damdawi Ina damlo, a thlâwna enkawlna dawngtute hi sum (pakhatin) a neih loh avanga damdawi in hautak (private) pan thei lo an ni a. Free treatment avangin right an nei lo tihna a ni lo, a ti a. Damlo boral ta chhungte chuan Consumer Court-ah thiam an chang a ni.
Mizoram dinhmun (Context) kan sawi lo thei lo. Damlo, Damdawi In-a enkawl mek te, Doctor enkawl mekte, an hnena inentirte hi sum sengtu an nih avangin Consumer an ni a. Hei hi hriat a, thinlung phêk a, ziak a, nemngheh tur a ni.
Kan thupui hi Customer Care tih a ni a. Mizo tawng chuan Dawrtute Ngaihsak emaw Thil leitu leh hmangtute tha taka lo ngaihven tihna a ni thei âwm e. Customer emaw Consumer emaw hi thliar hran theih a ni lova. ‘Care’ tih pawh hi Mizo tawngah chuan ngaihven, ngaihsak, duat, tha taka lo dawnsawn, mamawh tha tak leh duh taka lo tihsak a ni a. Customer Care hi lei leh hralh inkâra lo tla zep, leitu leh hralhtute inkâr thu ril leh tha tak a ni a. Customer Care awmnaah chuan inlaichînna tha a awm thin a ni. Customer Care awm lohnaah chuan tu zâwk zâwk tân pawh mualphona leh hlawhchhamna a ni thei a. Customer-in a tuar a, hralhtuin a tuar bawk. Buyer leh seller inkâra inzawmna a chat thin a ni.
Customer Care pawimawhna chu:
Customer Care awmnaah chuan khawi hmunah pawh eng hunah pawh Consumer te an ngampa a. Consumer-te an zahawm a, Customer lungawina leh thin damna a thleng a. Dawrtu leh dawr nghâktu inkârah inzawmna tha a lo awm a. Indawrtawnna tha (Communication tha) a awm thin a ni. Hralh chhuah a pung a, inhriatthiam tawnna a lo thleng a. Inngaihthlaksakna(empathy) a awm thin a ni.
Indawrtawnna tha a awm a. Pawl pahnih(seller+buyer) inkarah indawr tawnna tha a lo thleng thin. Dik lohna inpawmsak tawnna a lo awm thin bawk. |awngkam tha lo a bo a. Inrintawnna leh inpawmtawnna a lo thleng thin a ni.
Tichuan, Customer Care leh Customer Satisfaction hi Consumer-te leh Sumdawngte, thil zuara hralhtute – tana neih tul tak a ni ve ve a. A pakhat zawk chu lo felin lo tha viau mah se, pakhat zawk a fel loh chuan tuarna a ni thei a. Chuvangin heng thil pawimawh, Customer Care leh Satisfaction hi Sumdawng leh thil zuartute chuan an neih ngei ngei a ngai. Chutiang a lo nih chuan Consumer khawvel hi hmun nuam a tling dawn a ni.
Sap tawng thiamho tan hetiang hian thumal chhep ila. A hre thiam lo pawh hrilh fiah zel a tha e.
Customer Care chuan hengte hi a thlen thin:
(a) Improve Consumer relation
(b) Increase sales
(c) Increase Customer loyalty
(d) Giving patience and satisfaction
(e) Empathy & Understanding
(f) Knowledge of Product
(g) Adaptability and Flexibility
Heng hi sawi zauva hlawkpuina tham a ni a. Consumer-te hlimna, lungawina leh engthawlna a thlen theih nan Sumdawnna khawvelah hian thil zuartu, hralhtuten an neih a, an kawl ngei ngei tur a ni.
Tawnhriat tawi:
He thu ka ziah lai hian nu pakhat hian Aizawl hmar lam Veng pakhat atang hian min lo phone a.
Ani hian kumin January thla khan ‘fridge’a lei a. A hman that theih loh avangin, vawi duai lo Service Centre-in siam that tumin an bei a. Mahse, an siam that theih loh avangin replacement a dil a. Ka han phone sak ngawt pek a. An thu hmawr bâwkna kan nghak mek….chhuak lehah a hlawhtlinna emaw hlawhchhamna emaw kan sawiho dawn nia!
Eng pawh ni se, nang leh i chhungte kha consumer in ni vek tihah hian lo chiang(aware) phawt mai teh u.
Hei chauh hi ka belh duh :
“I vêlah consumer right hre lo tam tak an awm mek a ni tih hriain cosumer right hrilh la. I kiangah harsatna tâwk tam tak an awm tih hriain lo tanpui ta che. Chutichuan, mi fel i ni dawn asin” – Consumer Activist.