Daily Newspaper

CWC meeting nei, Sonia Gandhi party chief turin ngen

35

Congress Working Committee neihnaah senior leader Ahmed patel chuan party chief hlui Rahul Gandhi chu Congress President nihna chelh leh turin a ngen a. Patel hi lungrual takin CWC member dang te chuan an thlawp bawk a ni.

CWC te hian nimin khan virtual meeting neiin interim chief Sonia Gandhi in ban a duh thu leh amah thlaktu tur zawng tura a tih avanga inhmuhkhawm an ni.

Senor leader intel khawm thenkhat tena Congress party chu inthlak danglama insiam thatna nasa tak neih ni se tia lehkhathawn an ziah chu chanchibu pakhatah meeting neih hun tur puan zar a nih hnuah a putru a ni.

Sonia Gandhi hnena lehkhathawntu zingah hian Ghulam Nabi Azad, Anand Sharma leh Mukul Wasnik te pawh an tel a, an vai hian CWC member ni lai vek an ni.

Rahul Gandhi chuan lehkhathawn inthawn hunah zawhna a neih thu sawiin party leadership a bik takin Sonia Gandhi pawhin president chhunzawm a duh loh thu a sawi laia renga lungawilohna lantir chu a duh loh thu a sawi a ni.

Rahul Gandhi chuan Congress party in Rajasthan leh Madhya Pradesh-ah inbeihna nasa tak a hmachhawn mek laia lungawilo an awm chu zawhna a nei bawk.

Nimina CWC meeting-ah he chanchin ziah lai thleng hian engmah official a thupuan emaw a la awm lo a ni.
Meeting tirah party general secretary K.C. Venugopal chuan Sonia Gandhi in party chief thar thlanga amah thlaktu tur zawng tura a tihna a sawi hnuah Venugopal hian party senior leader tena an lehkhathawn puhruk hun chungchang a sawi chhuak zui a.

Prime Minister hlui Manmohan Singh chuan Sonia Gandhi chu party chief ni chhunzawm turin a ngen a. Dr Singh hi A.K. Antony chuan thlawp zuiin lehkhathawn putru chu sawi zuiin ‘Party High Command leh party tichak lo thei kan hruaitu ten enga ti nge an ziah theih zawk’ tiin a sawi.

Congress rorelna state chief minister te pawhin Sonia Gandhi chu party chief ni chhunzawm tura ngenin Punjab Chief Minister Captain Amarinder Singh chuan lehkhathawn chu a tei theih loh thu a sawi bawk.

Congress Working Committee virtual meeting hi hun dang ang lo takin fimkhur thuah Zoom hmang lovin WebEx application an hmang zawk a, he app hi a him zawka ngaih a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy