Daily Newspaper

CYMA-in luidung khawih dem

12

Central YMA chuan tunhnaia luidung humhalh lai khawih a ni chu a dem takzet tih a sawi.
Central YMA thuchhuak chuan, kan ram rohlu, thing leh mau, nungchate humhalh kawngah YMA chuan hun rei tawh tak atanga hma la in, vawiin thlengin he hmalakna hi a chhunzawm zel a. Nungchate humhalhna kawngah sawrkar leh khawtlangte nen thawhhona tha tak a nei tih a sawi.

Tunlai hi Mizoram hmun hrang hrangah nghafuan hun lai a nih angin, nungchate an him theih nan Sub-Hqrs./ Group/ Branch YMA ten theihtawp chhuaha hma an lak mek thu te a sawi a. Kum 2020-ah pawh he hmalakna hi chhunzawm zel a ni tih a sawi bawk.

‘YMA leh khawtlangin luidung kan humhalh mek laiin, tunhnaiah khawih an ni hi Central YMA chuan a dem takzet a. Sub-Hqrs./ Group/ Branch YMA-te nungcha venhimna kawngah chak zawka hma la chhunzawm zel turin kan inngen a. Humhalh hnathawh kawngah tha thlah lova tang mar zel tur leh harsatna neite chuan Central YMA-ah inhriattir turin kan inngen e,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy