CYMA president thar R Lalngheta
Central YMA-in president thar a nei a, president lo ni tawh R Lalngheta a ni.
Sakawrdai-a YMA Inkhawmpui Lian vawi 75-na neih mekah Ningani khan kum 2025- 2027 chhunga Central YMA hruaitu tur thlan a ni a. President ni lai C Lalhmachhuana leh president hlui R Lalngheta hian an chuh a, R Lalngheta hian vote tla 3061 atangin vote 1818 a hmu a ni.
R Lalngheta hi YMA Hlimen Branch member a ni a; vice president-ah a ni lai Prof. Lalnuntluanga (New Capital Branch) niin, general secretary-ah pawh a ni lai Prof. Malsawmliana (Vaivakawn Branch) a ni. Assistant secretary-ah mithar SF David Ngursangzuala Sailo (Dinthar Branch) a ni a, treasurer-ah pawh mithar Er H Duhkima (Dam Veng Branch) niin, finance secretary-ah erawh a ngai MS Ralte (Upper Republic Branch) thlan a ni.
President atana thlan R Lalngheta hi kum 2021- 2023 chhung khan he nihna hi a lo chelh tawh a ni.
CYMA president thar R Lalngheta
