‘D-hlui’ te nena thawhho
I thawhpui nen in inngaizawng a, in inthen leh ta si emaw, i ngaihzawng hlui nen hmun khatah in thawh dun a tul ta emaw pawh a ni thei. |halai pawl leh pawl hrang hrangah kan awmho pawh a ni thei e, chutiang hunah chuan buaina tur a tam duh khawp mai. Relationship lama mithiam ten chutiang huna tihdan tur tha ni a an sawi te kan rawn tarlang e.
1. Tlang takin i duhdan sawipui mai rawh, chu chu kawng tha leh awlsam ber a ni. Inthen tawh hnuah in duhdan leh inbiak dan tur chena inremsiam mai tur a ni a, in pahnih inkarah dan fel tak siam dun theih tum tur a ni.
2. Inthen tawh hnuah chuan inbiak fo leh inhmuh fo te nuam lo tihna a lo awm a, mahse, hmun khata thawk dun in ni miau si a, hrehawm tih loh luih theih te zir a ngai a, chutiang a nih loh chuan mahni hrehawmna kan insiam chawp nasa ting mai a ni. I ‘ex’ chu pangngai takin en la, a tana nuam lo tura awm tum kher suh. A fala hmuh pawh tum lo la, mahse, bechhe chuang suh. I biak chhiat lohna chhan erawh amah i la duh vang a ni loh thu leh hmun khata thawk dun in nih vang a nih thu tlang takin hrilh ang che.
3. Hnathawhna hmun i thlen tawh chuan i emotion te dahthain i hnaah i rilru pe la, mimal thil chu intih buai tir suh. I hnaah insawrbing la chu chuan i rilru kal peng tur nasa takin a veng ang.
4. Ngawih theih hi a pawimawh hle tih hre reng ang che. Chu chuan i ‘ex’ chu biak loh tih lam a ni lo, mahse, thil tul lo sawi loh theih hi a pawimawh hle a ni. I thawhpui midang te bulah i ‘ex’ chungchang chu sawi ching lo a, a chanchin tha lo lam phei chu sawi loh a tha zawk. In inngaihzawn lai chungchang pawh sawi loh a tha. I ngaih theih zawh poh leh i tan a tha zawk tih hre reng ang che.
‘D-hlui’ te nena thawhho
