Daily Newspaper

DaBaby ‘Rockstar’ a la Hot ber

36

DaBaby ‘Rockstar’ featuring Roddy Ricch chu Billboard Hot 100 (singles) chart-ah a No.1 leh a, tihian kar nga chhung a No.1 tling ta. Hetihrual hian Pop Smoke pawh a thih hnuah top 10-ah langin, he chart top 10-a a lan vawi khatna a ni.

Hot 100 chart hi kar khat chhunga US-a hla lar dan tehna a ni a, kar khat chhunga US-a hla hralh tam dan atanga teha ranking hi siam a ni. ‘Rockstar’ hi chart ranking siam nana pawimawh chart dangah a la che tha thawkhat a, mahse, karleh chart-ah chuan No.1 thar awm thut thei a ni ve ta.

The Weeknd ‘Blinding Lights’ chu No.3 atangin No.2-ah a insawn a, Jack Harlow ‘Whats Poppin’ featuring DaBaby, Tory Lanez & Lil Wayne chu No.2 atangin No.3-ah a tawlh a, chart No.1 hlui Megan Thee Stallion ‘Savage’ featuring Beyonce chu No.4-ah bawk a la awm a, SAINt JHN ‘Roses’ pawh No.5-ah bawk a la awm.

Rapper an kahhlum tak Pop Smoke chu a vawi khat nan he chart top 10-ah hian langin, a hla ‘For the Night’ featuring Lil Baby & DaBaby chu No.6-ah a debut a, he hla hi Pop Smoke No.1 album ‘Shoot for the Stars Aim for the Moon’ atanga a single a ni. Tihian Lil Baby tan Hot 100 chart top 10-a hla panga a neihna niin, DaBaby tan chuan a palina a ni ve thung.

DaBaby hi Hot 100 chart top 6-ah a hla pathum a lang a, ‘Rockstar’ (No.1), ‘Whats Poppin’ (No.3) leh ‘For the Night’ (No.6) te niin, he chart history-ah top 6-a a ruala hla pathum nei tling thei pasarihna a ni.

Harry Styles ‘Watermelon Sugar’ chu No.8 atangin No.7-ah a insawn hret a, Lil Mosey ‘Blueberry Faygo’ pawh No.9 atangin No.8-ah a insawn a, chart No.1 hlui, Doja Cat ‘Say So’ chu No.6 atangin No.9-ah a tawlh a, top 10 khartu chu Justin Bieber ‘Intentions’ featuring Quavo niin, No.7 atangin No.10-ah a tawlh ve ta a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy