India-a lianthama sipai hmanruate leina tura thutlukna pawimawh siamtu, Defence Acquisition Council (DAC) chuan Thawhtanni khan Rs vaibelchhe 1,10,000 man sipaite thuam chaka tur thil lei tur a pawm.
Hmanraw thar lei tur pawm zingah hian Chemical, Biological, Radiological and Nuclear (CBRN) Recce Vehicle, High Mobility Vehicle (HMV), Advanced Light Helicopter (ALH), Arudhra Radar, Marine Gas Turbine (MGT) leh Ground-Based Multi-Purpose Jammer te pawh a tel.
Defence ministry-in thuchhuah tawi a siamah DAC hian Indian Army tan CBRN Recce Vehicle, HMV, Self-Propelled Mechanical Mine Layer (MML), ALH, Trawl Tank leh Sarvatra Bridge System leina turin Acceptance of Necessity (AoN) a tifel tih tar lan a ni.
AoN hi sipai hmanruate lei leh siamna tura thutlukna tawp a ni lo va, a rahbi pawimawh hmasa erawh a ni a, lei leh siamna tur erawh a ni lo.
Defence ministry thuchhuah chuan CBRN recce vehicle-te hi thil hmuh theihna, hriat fiah theihna, vil zuina leh chhinchhiana atana hman tur niin a sawi.
HMV-te hian chet chhuah theihna hrang hrang neiin hmunhma kilkhawra inphurh thlenna leh hmun rualrem lovah pawh che thei a ni a. MML-te hi hmun chhengchhe laia rang zawka che thei leh rah puah pawh kam thei a ni.
Tualchher ALH pawh Indian Army leh Indian Air Force tan hman ve ve theih a ni a, Trawl Tank & Bridge System hi hmun chhengchhiaa lei atana dawh mai theih a ni bawk.
Arudhra Radar, Design & Development leh Marine Gas Turbines (MGT) hi Indian Navy hman tura neih tura pawm a ni.
Arudhra Radar hi 4D multi-function niin tualchher a ni a, DRDO-in array radar a duan chhuah, Bharat Electronics Limited (BEL)-in a siam a ni a. Electronic steering nei niin van sanga thil thlithlai, hmuh leh chhui zuina atana hman theih a ni a. IAF pawhin hlawhtling takin a lo hmang chhin tawh a ni.
Thuchhuah chuan Arudhra Radar hian Air Route Surveillance Radar chu Naval Air Station hrang hrangah a thlak dawn a ni.
MGT hi indo lawng propulsion system niin ram danga innghahna nasa lutuk tiziaawm thei tur a ni.
Indian indo lawngte hi Russia atanga lak luh MRG generator hmang a ni a. Kum thum chuang hret kal ta atang khan Navy chuan gas turbine part leh compressor siama ram dang atanga lak luh tihtlem tumin a bei tan a ni.
June thla khan defence ministry chuan Bharat Forge Limited nen inremna siamin 1.25 MW MGT generator set 12, Rs vaibelchhe 425 man zel siamna turin a lo siampui tawh a, hengte hi Kolkata-class lawnga hman tura tih a ni a. Hengte hi 60% vel Indian siam a ni.
Defence ministry thuchhuah chuan IAF tan pawh indonaa hman tur thil chi hrang hrang leina tur pawm a ni tih a tar lang bawk.
IAF tana pawm zingah hian Ground-Based Multi-Purpose Jammer (GBMPJ) leh Defence Forces Secure Access Card (DEFSAC) System bunna tur pawh a tel.
GBMPJ hi radar chiang lo awm thin tihziaawmna tur a ni a, DEFSAC hian paper hmang Identity Card/Pass/Permit-te chu Radio Frequency Identification hmang smart card system-in a thlak dawn a ni.
AoN pawm zawng zawng zinga 98% vel hi Indian industry-te siam tur a ni.
DAC-in Rs. Vbc 1.1 man sipai hmanrua leina tur pawm
