Site icon The Aizawl Post

Damchhung atan tennis player hrem

Moroccan tennis player hlui Younes Rachidi chu match-fixing thubuai 135 zetah a inrawlh tih finfiah a nih hnuah a dam chhung atan tennis kaihhnawih thiltihna reng renga a tel ve khapsak a ni.

Kum 36 mi hi player malkhaiah chuan match-fixing thubuai hrang hranga inrawlh hnem ber a nih thu a laka hremna lekkawhtu International Tennis Integrity Agency (ITIA) thuchhuah chuan a tarlang nghe nghe!
Rachidi hi tunhnaia ITIA lamin match-fixing thubuai avang thoa a hnawhchhuah Algerian player pahnihte nen an inthurual thin tih hriatchhuah a ni a; Ningania independent Anti-Corruption Hearing Officer Janie Soubliere hremna puanah damchhung hremna mai a ni lo a, Moroccan player hlui hi USD 34,000 chawi tura tih a ni bawk.
A tawnsan ber laia ATP doubles ranking lama 473-na han hawlh pha ve Rachidi hi tunah chuan tennis inelnaa a chhuah khap a nih piahlamah coaching lamah reng reng pawh a inhmang thei tawh ngai dawn lo a, tennis thuneitu sangber hriatpui tennis thil tihkhawmnaah tawh phawt a tel thei lo bawk ang.

Exit mobile version