Damdawi in 400 chuang upgrade tawh
Tun sawrkarah damdawi in chi hrang hrang 400 chuang upgrade a ni tawh tih Health & Family Welfare minister Dr R Lalthangliana chuan a sawi.
South Tuipui bialtu MLA Dr R Lalthangliana hian a bial a fannaah thu sawiin, Sub Centre 374 chu Health & Wellness-ah tun sawrkarah hlankai zawh a ni tawh a, PHC 61 an upgrade tawh a, CHC-te nen a vaiin tun sawrkarah damdawi in 400 chuang an upgrade tawh tih a sawi.
Saisih to Myanmar border trade inkalpawhna tur kawng hma lak mek a nih thu te, MNF sawrkar hmaa lirthei kal theih lohna South Lungleng kawng excavator-a a nawr chhuah tir leh a siamthatna tur project kalpui mek te, Thingsai to Bualpui ‘H’ pavement an siam zawh tawh thu leh Aithur kawng siam thatna turin kumin thalah cheng nuai 100 hmanga hma lak mek a nih thute a sawi.
Thingsai kai border trade atana hma lak mekna chu India sawrkarin Myanmar sawrkar dawr a remti rih loa, boruak ziaawm velah hma lak chhunzawm tum a ni tih a sawi a ni.
Commerce & Industry minister ni bawk Dr R Lalthangliana chuan Covid lengin tun thlengin India ram state zawng zawng sum leh paiah a la nghawng zel a, Orrisa state chiah a nghawng ve lo a, an ni chuan kumtin mining atangin cheng vaibelchhe singnga an lak vang niin a sawi. “Keini pawhin mining lam hi sum hnar tha a ni tih hria in theihtawpin hma kan la mek zel,” a ti.
Damdawi in 400 chuang upgrade tawh
![](https://theaizawlpost.org/wp-content/uploads/tap_logo-min-large.jpg)