Dan anga inziaklut loin Dan loin lei tha a hralh
Tunhnai khan Sihphir leh a chhehvelah sawrkarin rate a siam ang ni lo, dan loa lei tha (urea) hralh an awm tih hriat a ni a, enzui a nih hnuah a hralhtu hi dan anga sawrkara inziaklut lo a nih bakah sawrkar rate aia tho daihin a hralh tih hriatchhuah a ni.
Mizoram sawrkarin state chhunga urea hralh leh lei kaihhnawiha a buaipuitu tura a ruat MAHFED (Mizoram State Agriculture, Horticulture and Marketing Cooperative Federation) Ltd chuan Sihphir leh a chhehvela lei tha hralh a awm thu hi hria in, a hmuna an chhuizuinaah, sawrkar rate siam ang – maximum retail price bag khat (kg.45) Rs. 266.40 aia to dauh, bag khatah Rs. 450 in hralh a ni tih a hria a; hei hi Fertilizer (Control) Order 1985 bawhchhiatna leh Essential Commodities Act 1955 hmanga hrem theih a ni tih a sawi.
Dan ang loa urea hralhtu hi sawrkara dan ang taka inziaklut lo, M/s Zekyl Enterprises Sihphir a ni tih pawh MAHFED thawktute hian an hrechhuak a, urea hi dan zawm tur – Fertilizer (Control) Order 1985 hnuaia Certificate of Registration zawm loa a lei leh neih a ni tih hriat a ni bawk.
Hetianga dan bawhchhe chunga lei tha zuar leh hralhtu hi MAHFED chuan dan hmangin show cause notice a pe tih sawiin, dan anga action la turin thuneitute nen a tul ang an bawhzui mek zel tih a sawi a. Dan bawhchhe chunga chetna hi tih reh a nih theihnan hma an la zel dawn tih a sawi a ni.
Dan anga inziaklut loin Dan loin lei tha a hralh
