Mizoram Merchant Association (MIMA) leh PC Party chuan joint resolution siam in, “Hnam dang, dan loa sumdâwngte hi Mizo hming hawha sumdâwng an ni tlângpui” an ti a. “Tun hnuah hnamdang sumdawngte thurualpui a, hming hawhtir tawh lo turin Mizo mipuite kan ngen” an ti bawk.
Tunhnaiah Central YMA hmalaknain hnamdang hnena Mizo hming hawhtira sumdawnna zawnchhuah beihpui thlak a lo ni tawh a, chutiang mi chu thahnem tak hmuhchhuah a ni a. Heng mite hi ‘hnam hralhtute’ tia sawi a ni.
Central YMA hian ram leh hnam humhalh duh vangin hetiang hian a takin hma an la a, an thawk tha em em. Chutih rual chuan, dan kalha thiltih ni si, sawrkar hnuaia dan kengkawhtute leh thuneitute hian engatinge NGO-in hetianga ualau taka hma an lak luih luih lai hi ngawi renga an thlir thin? Dan kalha sumdawng an nih na na na chuan, dan anga action lak nghal mai tur niawm tak, dan kengkawhtute hian YMA hmalakna hmu reng chung sia engmah tih an tum ve si lo a nih chuan, tawngkama ‘Mizo mipuite kan ngen” tia thuchhuah siam leh thin ngawt mai hi awmzia a awm lo thin hle a ni.
Dan lova sumdawng an nih thu kan tlangaupui luih luih a, ‘Hming hawhtirtute hi hnam hralhtu an ni” kan ti liam leh ringawt a. Hnam hralhtu an nih thu chiang taka inhrilh kual vel mai mai hi em ni hma kan lak dan tur ni ta? Sawrkar leh mipuite hi, dan kalha thiltih a awm tih hre reng chung sia dan anga action lak tum bawk si lo kan ni tihna a ni a. Dan kalha thil tituten zalen takin dan an kalh reng mai dawn niawm tak a ni.
Hawh u, ‘a dik loh thu’ tlangaupui liam satliah mai mai tawh lo hian, dan kalha thil ti mektute hi, an kut phuarsak hmak hmak zel ila, eng vangin nge hetianga dan kalha thiltihna hi a thlen reng bik lem ang le?
Dan kalha sumdawng an nih si chuan…
