Daily Newspaper

Darkar 100 hula hooping record a siam

20

Australian Jenny Doan chuan chawl lo va hula hoop tivir rei thei ber record a siam a, darkar 100 a hula hoop thei. Hula hoop chu thil bial niin, exercise lakna chikhat atan an hmang thin a, an kawng bawrah dahin, an kawng an sawi chet zawngin hula hoop chu a vir thin a ni.

Jenny hian kum 10 liam ta khan hula hooping rei ber record a lo ngaihven daih tawh a,, kum 10 hnuah amah ngeiin record a siam ve ta a ni, “2019 khan hula hooping record siam tumin ka inpuahchah tan tawh,” a ti a, engtiang chiaha tuarchhel leh eng chen nge a kal theih tih chu amah leh amah inhriat ve hrim hrim pawh a chak niin a sawi.

Jenny hi a bon ve reng reng bawk a, Canada-ah Vancouver atanga Montreal thleng thirsakawrin a lo tlan chhuak pap tawh bawk a, “Khawvelah eng thil emaw berah a thei ber nih ve hrim hrim ka duh a ni,” a ti.

A hmaa hula hooping record chu darkar 75 a ni a, chu record khum tur chuan tuarchhel tura a inpuahchah nasat a ngai tih a pawh a hria. Tichuan a inbuatsaihna atan tum khat chu an thiante nen movie en chungin hula hoop an ti a, Fast & Furious film pariat an en zawh thak thlengin a ti thei a, tichuan November 2019 atangin record siam tumin an inpuahchah ta a ni.

Jenny hian darkar 100 chhung a hula hooping chhungin darkar li chiah a mu a, darkar khatah minute 5 zel chawlh a nei thei a, chumi chhung chuan ei leh bakah zun-ram thiar leh a mu chawlh zawng zawng a tih a ngai a ni. Darkar 100 chhunga a taksa a hula hoop vir kual chuan mel 217 vela thui vir chhuak hman angin an chhut a ni.

Jenny chuan darkar 50 a hma lamah chuan harsatna a nei vak lo niin a sawi a, mahse, darkar 50 a pelh chinah chuan a sak talh tawh niin a sawi a, darkar 50 chu a rehearsal-ah te pawh a lo thlen fo tawh a ni. Mahse, a chhungkhat laina leh thiantha ten an fuih reng a, a tawpah chuan darkar 100 a tlin thei ta a ni.

A record siam hi Mental Health America tana sumtuak nan a hmang nghal a, dollar 4,890 a tuak nghah hman a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy