Site icon The Aizawl Post

Darkar 24 chhunga pull-up ti tam thei record siam

Darkar 24 chhunga pull-up ti tam thei record siam
Australian, Jaxon Italiano chuan darkar 24 chhungin pull-up vawi 8,008 a tihman a, Guinness World Record a siam. A record siam hi dimentia enkawlna tur charity atana a tih a ni. Hei bakah hian Italiano hian natna chikhat rhabdomyolysis a nei a, hetiang natnaah hian tihrawl tissue chhiain thisen-ah protein leh electrolyte a ti-leak a, thih pui mai theih leh rualbanlo-a awm phah theih hialna khawpa natna serious a ni.
Pull-up exercise lak dan hahthlak zet mai a ni a, chung lama bar khamah ke lei si loin an uai a, chutah an kiuah ban tithlepin an inpawt kang a, bar chungah khabe an dah chhuak a, chumi hnuah kiu timarin an uai thla leh thin. Hetiang hian darkar 24 chhungin vawi 8008 a tihman a, record a siam ta a ni. Italiano chuan, “Darkar 24 chhunga pull-up tihnem ber record siam ka tumna chhan hi pull-up hi ka tih theih ve zawng a ni a, eng emaw thiam leh tih theih zawng riau kan neih chuan, chu chu theih tawpa beih mai tur niin ka ngai a ni,” a ti.

Exit mobile version