Dawnfawh hralh dan tur ngaihtuahpui
Lunglei district-a Ramlaitui khua Thingva Zaua hlawhtling taka dawnfawh chin a nih theih dan tur leh dawnfawh hralhna kawnga hma lakpui dan zirchiangin Lunglei district horticulture officer Lalthakima hoin Horticulture staff-te leh NEIDA (North East Initiative Development Agency) team chuan Ramlaituia mimal dawnfawh hmun an tlawh.
Kum 2024-a Lunglei District Horticulture Office-in dawnfawh chin dan zirna a buatsaiha a tel atangin Ramlaitui khuaa Isak Lalhuliana hian Thingva Zau Ramlaituiah dawnfawh a that theih leh theih loh enchhinin a ching a, tha taka a thar avangin Thingva Zauah hian dawnfawh a chin hlawhtlin theih tih hriat a ni.
Horticulture department kaltlanga zau zawka dawnfawh chin a nih theih dan tur leh NEIDA hnuaia farmers producers organisation (FPO) kaltlanga dawnfawh hralh kawnga hma lakpui theih dan zirchiangin DHO leh staff-te leh NEIDA atangin he dawnfawh hmun hi an enpui a ni.
Horticulture department hian Isak Lalhuliana hi dawnfawh chi (seed) leh a chin dan tura zirtirna leh kaihhruaina an pe a. Hlawhtling taka a ching thei hi Horticulture department chuan lawmawm an tih thu an sawi. Kuminah hian Thingva Zauah hian chhungkaw tam zawkin a zau (cluster) a dawnfawh chin an duh thu an sawi chu Lunglei DHO hian theihtawp chhuahpui an tum tih a sawi a ni.
Dawnfawh hralh dan tur ngaihtuahpui
