Daily Newspaper

Dawnfawh-in BP tihniam thei

9

Dawnfawh chu heart attack leh stroke risk tihniamtu, prehypertension do let nana thil tha tak niin mithiam ten an sawi.

Florida State University-a food scientist ten zirchianna an neih tharah dawnfawh atanga an lak chhuak L-citrulline gram 6, kar ruk chhung eiin a hmaa BP sang nei te chu an BP a ti-normal thei niin an sawi.

Dawnfawh hi thei ei theihah rau rau amino acid L-citrulline pai hnem ber niin an sawi a, amino acid L-citrulline chu BP siamtha-tu a ni. L-citrulline chu kan taksa chhunga a luh hnuah amino acid dang, L-arginine-ah a inthlak leh daih thin. Mahse, L-arginine chu damdawi mum anga ei chuan pum nuam lo leh luak chhuak bakah kawthalo te a thlen thei a, a bikin BP sang nei tawh sa tan a ni lehzual. Mahse, dawnfawh ei atanga L-citrulline kan lak luh, kan kawchhunga L-arginine-a inthlak ta erawhin side effect a nei lo niin an sawi.

Zirchiannaa an hotu Dr Aturo Figueroa chuan BP sang nei tawh sa, a bikin kum upa tawh leh natna benvawn, type 2 diabetes ang chi te tan dawnfawh atanga L-citrulline chu an thatpui thei dawn niin a sawi.

He zirchianna chungchang hi American Journal of Hypertension-ah tarlan a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy