Serchhip district magistrate chuan an district huamchhungah dan loa sangha man leh Nghafuan ven khapna thupek a tichhuak.
Gelatine, tur leh dynamo a sangha man thin chuan luia sanghate nasa takin a tichereu-in an pung tur a tithuanawp nasa hle tih sawiin, Fisheries Department thurawn danin sangha inthlahpung tura an fuan a hun leh tan avangin luia sanghate hi tha taka humhalh a ngaih thu magistrate hian a sawi a. Section 144 Cr.PC in thuneihna a pek angin an district huamchhung luia sangha chu tura hrai, dynamo leh gelatine hmanga man khap a nih bakah nghafuan ven pawh khap a ni tih a sawi.
He thupek hian thu leh awm hma chu puan a nih atanga thla hnih chhung a huam anga, thupek zawm lo te chu Sec.188 IPC dan hmanga hrem an nih tur thu a sawi a ni.
(THE AIZAWL POST – Tualchhung)
Full>> ePaper Subscribe
