School Education department leh Doordarshan Kendra Aizawl-ten DD Mizoram channel-a Educational TV Programme (Zirna Huang) chhunzawm nan inremna an ziak thar. School Education department aiawhin director Lalsangliana leh DDK Aizawl aiawhin head of programme C Vanlalsiama’n hming an ziahhnan.
School Education director Lalsangliana chuan kum 2015-a bul tan Educational TV Programme hi Ministry of Education-in ‘best practices’ zingah a pawmsak tih a sawi a ni.
Report danin, kum 2015 atanga thawhdun tawh Educational TV Programme hi School Education, SCERT, MBSE leh Samagra Shiksha tanghoa programme siam thin a ni a. Kumina thawhhona ziah chu a vawi 8-na niin, kum khat chhungin episode 52 tihchhuah tur a ni. Kum 2015 atanga August 2024 inkarah episode 363 tih chhuah tawh a ni a, September 2024 atangin kum khat chhung chawlhkar tin Ningani apiang tlai dar 5.55 – 6.25 inkarah tihchhuah a ni dawn.
DD-ah Educational Programme
