Daily Newspaper

December 12-ah A. Joshua vs Kubrat Pulev

11

Palian huanga inhnek ropui, kawnghren chunga inhnek tur Anthony Joshua leh Kubrat Pulev te inhnek hun tur tihchian a ni ta a, an inhnek hun atan December ni 12 ruat fel a ni a, a hmun atan O2 Arena, London ruat fel a ni bawk.

Palian huanga champion ropui Joshua leh IBF Heavyweight kawnghren chuhpui tura ruat lawk Pulev te hi kum tir lam khan inhnek tura ruahman a lo ni tawh a, an inhnekna hmun atan Tottenham khelmual ruat fel a ni nghe nghe. He an ruahmanna hmasa hi Covid 19 hripui vangin a hlawhtling thei lova, sawn hlat a ni. An inhnek hun tur a chian loh reng laiin December ni 12 ruat fel a nih thu promoter Edie Hearn chuan a puangzar.

Palian huangah kawnghren ngaihlut hlawh tak tak WBA (Super), IBF, WBO leh IBO te kawl khawm mektu Anthony Joshua hian inhnek vawi 24 a hmachhawn tawh a, vawikhat chiah a la tlawm. A hneh loh awmchhun hi Andy Ruiz Jr. a ni a, Mexican boxer lakah hian knockout a tlawm in, a kawnghren kawl zawng zawng a hloh fai vek. Kum 2019 kum tir lama a hneh loh hi 2019 kum tawp hmain a hneh let leh hman a, a kawng-hren hloh tawh zawng zawng a la kir leh vek. IBF kawnghren humhim tumin Pulev a hmach-hawn zui leh dawn a, inhnek hautak tak a hma-chhawn tura ngaih a ni.

Anthony Joshua hmachhawn tur Kubrat Venkov Pulev hian in hnek vawi 28 a hma-chhawn tawh a, vawi 27 a chak a, vawikhat chiah tlawm zawkah a la tang. Inhnek thiam zet mai a ni a, boxing chik mite chuan Joshua hi a hneh theih ngei an ring. Palian huanga a hneh loh awmchhun hi champion ropui Wladimir Klitschko chiah a ni.

Joshua leh Pulev te inhnek zawh hnu lawk hian inhnek lian tham thleng zui leh nghal tura ngaih a ni a. Palian huanga boxer tha pahnih Tyson Fury leh Deontay Wilder te chu a vawithum nan an inhmachhawn nawn leh tura ngaih a ni.A tawpah tihtawk a awm tih ang deuhin kum tawpah inhnek hmuhnawm tak tak kan hmu thei tura ngaih a ni a, mi a tlai hle turah ngai ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy